Ս.թ. հուլիսի 26-ին` ժամը 10-ից մինչև 17:30-ը, Մատենադարանի փոքր դահլիճում տեղի կունենա «Հայկական գրական հորիզոններ․ Ընթերցողներն ու գրքային առաջնահերթությունները վաղ արդի շրջանում» խորագրով միջազգային աշխատաժողովը։
«Ինչ էին կարդում հայերը 16-18-րդ դարերում» հարցադրմանը պատասխանելու համար Մատենադարանի հարկի ներքո կհամախմբվեն հայկական Վաղ արդի շրջանն ուսումնասիրող և դրանով հետաքրքրված հետազոտողները։
Հայկական գրական հորիզոններ․ ընթերցողներն ու գրքային առաջնահերթությունները Վաղ արդի շրջանում խորագիրը կրող միջազգային աշխատաժողովի աջակիցներն են Հայագիտական ուսումնասիրությունների միջազգային ընկերակցությունը (AIEA/ՀՈՒՄԸ) և Մատենադարանը, կազմակերպիչները՝ Մատենադարանի գիտաշխատողներ Անուշ Սարգսյանն ու Անի Ենոքյանը։