Հանդիպման ընթացքում որոշվել են համատեղ գիտահետազոտական աշխատանքների կոնկրետ ողղությունները, կարևորվել գրքային և արխիվային հավաքածուներում փոխադարձաբար առկա հայերեն ու ֆրանսերեն նյութերի ուսումնասիրությունը, ֆոնդային աշխատանքներ իրականացնող մասնագետների վերապատրաստումն ու թվային հումանիտար գիտությունների ոլորտում կապերի խորացումը: Մատենադարանի տնօրեն Արա Խզմալյանը հրավիրել է Ֆրանսիայի ազգային գրադարանի վերականգնողներին մասնակցելու 2025-ին կայանալիք «Հիշողության կերպարանքները» միջազգային սեմինարին:
