Մատենադարանում տեղի է ունեցել բաց դասախոսությունների և աշխատաժողովների շարքի՝ «Կին ղեկավարների առաջխաղացմանն ուղղված ծրագիր 2024» մրցույթի շահառու «Բնագիր, մերձբնագիր, պատկեր. գրքի և գիտելիքի շրջանառությունն ու փոխանցումը վաղ արդի շրջանում Օսմանյան կայսրությունում և դրանից դուրս» ծրագրի շրջանակում «Հայերեն ձեռագիր Աստվածաշունչը 17-րդ դարի քաղաքային միջավայրում» թեմայով բանախոսություն։
Բանախոսներ՝ Մատենադարանի «15-19-րդ դդ. հայ մատենագրության» բաժնի վարիչ Աննա Օհանջանյան (ծրագրի ղեկավար), ավագ գիտաշխատող Գառնիկ Հարությունյան, գիտաշխատողներ Անուշ Սարգսյան և Անի Ենոքյան (ծրագրի անդամներ)։
Նիստավար՝ Մատենադարանի ավագ գիտաշխատող, բ.գ.թ. Հասմիկ Կիրակոսյան։