3-րդ Հայագիտական միջազգային կոնգրեսի շրջանակում Մատենադարանի և Լեհաստանի Հայկական ինստիտուտի միջև ստորագրվեց համագործակցության հուշագիր, որով սահմանվում են երկկողմ գործակցության հիմնական ուղղություններն ու առաջնահերթությունները։ Հուշագիրը ստորագրեցին Մատենադարանի տնօրեն Արա Խզմալյանը և Հայկական ինստիտուտի նախագահ, պատվավոր հյուպատոս Հրաչյա Բոյաջյանը:
Հիշեցնենք, որ Մատենադարանի տնօրենն ընտրվել է Լեհաստանի Յագելոնյան համալսարանի Սադոկ Բարոնչի անվան Հայագիտական կենտրոնի հոգաբարձուների խորհրդի անդամ։
Առաջիկայում Մատենադարանից կենտրոններ կուղարկվեն շուրջ 600 անուն հայագիտական գրքեր։
