ՄԱՏԵՆԱԴԱՐԱՆԻ ԲԺՇԿԱԿԱՆ ԵՎ ԲՆԱԳԻՏԱԿԱՆ ՁԵՌԱԳՐԵՐԻ ՈՒՍՈՒՄՆԱՍԻՐՄԱՆ ԽՄԲԻ ՂԵԿԱՎԱՐ, Բ.Գ.Թ. ՀԱՍՄԻԿ ԿԻՐԱԿՈՍՅԱՆԸ 2026 ԹՎԱԿԱՆԻ ՍԵՊՏԵՄԲԵՐԻ 2–5-Ը ՄԱՍՆԱԿՑԵԼ Է ԱՎՍՏՐԻԱՅԻ ԻՆՆՍԲՐՈՒԿ ՔԱՂԱՔՈՒՄ ԱՆՑԿԱՑՎԱԾ ԴԵՂԱԳԻՏՈՒԹՅԱՆ ՊԱՏՄՈՒԹՅԱՆ 47-ՐԴ ՄԻՋԱԶԳԱՅԻՆ ԿՈՆԳՐԵՍԻՆ

Իրադարձություններ

Կոնգրեսի հիմնական թեմաներից մեկը լեռնային տարածաշրջանների բնական պաշարների և դրանց հիման վրա ձևավորված դեղագիտական գիտելիքի պատմությունն էր։ «Փոխկապակցված աշխարհներ․ տարբեր լեռնային տարածքների զուգահեռները» լիագումար նիստում Հասմիկ Կիրակոսյանը հանդես եկավ Մատենադարանում պահվող դեղագիտական ձեռագրերին նվիրված զեկուցմամբ՝ ներկայացնելով հայկական միջնադարյան դեղագիտական ձեռագիր ժառանգությունը և դրա ձևավորման ու զարգացման առանձնահատկությունները։

ԸՆԴՈՒՆԵԼՈՒԹՅՈՒՆ ՄԱՏԵՆԱԴԱՐԱՆԻ «ԾԱՂԿԵԼՈՒ ԱՐՎԵՍՏ» ՄԱՆՐԱՆԿԱՐՉՈՒԹՅԱՆ ՍՏՈՒԴԻԱՅԻ ԲՈԼՈՐ ԽՄԲԵՐՈՒՄ

Կրթական ծրագրեր

Դասընթացների ընթացքում երեխաներն ու մեծերը սովորում են մանրանկարչության տեխնիկա, զարդարվեստ, կատարում են ընդօրինակություններ և ստեղծագործական աշխատանք։ Ինչպես նաև, ստեղծում են թեմատիկ աշխատանքներ և գրքեր ձևավորում։ Իրականացվում են տեսական դասեր, շրջայցեր Մատենադարանի ցուցասրահներում, վերականգնման բաժնում և լաբորատորիաներում, հանդիպումներ ունենում գիտաշխատողների հետ։ Ծրագիրը երաշխավորված է ԿԳՄՍ նախարարության կողմից։ Դիմել կարող են բոլոր նկարել սիրող և մանրանկարչությամբ հետաքրքրված

Կարդալ ավելին …

ՄԱՏԵՆԱԴԱՐԱՆԻ ՎԵՐԱԿԱՆԳՆՈՂՆԵՐԸ ՄԱՍՆԱԳԻՏԱԿԱՆ ՎԵՐԱՊԱՏՐԱՍՏՈՒՄ ԵՆ ԱՆՑԵԼ ՄՈՍԿՎԱՅՈՒՄ

Իրադարձություններ

Մատենադարանի վերականգնման բաժնի մասնագետներ Աննա Խանինյանը, Նելլի Գրիգորյանը և Աննա Վարդանյանը Ռուսաստանի պետական գրադարանում մասնագիտական վերապատրաստում են անցել «Դասական թերթային վերականգնում․ խորացված դասընթաց» («Классическая листовая реставрация: продвинутый курс») ծրագրով:

ՆՈՐ ԸՆԾԱՅԱԲԵՐՈՒՄ ՄԱՏԵՆԱԴԱՐԱՆԻՆ

Նվիրատվություններ

Մատենադարանի ձեռագրական հավաքածուն համալրելու նպատակով աստվածաբան, հավաքորդ Նարեկ Վան Աշուղաթոյանն այսօր Մատենադարանին է նվիրաբերել 14-15-րդ դարերով թվագրվող լատիներեն Ժամագրքի երկթերթ պատառիկ։ Մատենադարանին նվիրաբերված ձեռագրական այս միավորը բովանդակում է բարեխոսական աղոթքներ՝ ուղղված սբ Մարիամ Աստվածածնին։ Մատենադարանը երախտագիտություն է հայտնում նվիրատուին՝ արժեքավոր ընծայաբերման համար։

ՄԻՋՆԱԴԱՐԱԳԻՏԱԿԱՆ 12-ՐԴ ՄԻՋԱԶԳԱՅԻՆ ԳԻՏԱԺՈՂՈՎ

Անոնսներ

Ս․թ․ նոյեմբերի 26-28-ը Մատենադարանում կանցկացվի Միջնադարագիտական 12-րդ միջազգային գիտաժողովը, որին հրավիրում ենք մասնակցելու միջնադարագիտության բնագավառում իրենց ուսումնասիրություններն իրականացնող հետազոտողներին: Գիտաժողովին զեկուցումներ կարող են ներկայացվել հետևյալ թեմաներով՝ — ձեռագրագիտություն և գրչության կենտրոններ, — աղբյուրագիտություն, պատմագիտություն, — հայոց լեզվի պատմություն, — հայ գրականության պատմություն, — արվեստագիտություն, — արևելագիտություն, — աստվածաբանություն, կրոնագիտություն: Գիտաժողովի աշխատանքային լեզուներն են հայերենը, անգլերենը

Կարդալ ավելին …

ԱՇԽԱՏԱԺՈՂՈՎ ՄԱՏԵՆԱԴԱՐԱՆՈՒՄ՝ «ՀԱՅԿԱԿԱՆ ԲՆԱԿԱՎԱՅՐԵՐԻ 16-19-ՐԴ ԴԱՐԵՐԻ ՊԱՏՄՈՒԹՅԱՆ ՍԿԶԲՆԱՂԲՅՈՒՐՆԵՐԸ»

Անոնսներ

ՏԵՂԻ ԿՈՒՆԵՆԱ ՄԱՅԻՍԻ 26-ԻՆ, ԺԱՄԸ 12։00-ԻՆ՝ ՄԱՏԵՆԱԴԱՐԱՆԻ ՏԵՍԱՍՐԱՀՈՒՄ: Աշխատաժողովը կազմակերպվում է ԿԳՄՍՆ Գիտության Կոմիտեի 25RG-6A117 ծածկագրով և «Հայկական բնակավայրերը Արևելքի կայսրությունների իշխանության ներքո (XVI-XIX դդ․)” (Armenian Settlements under the Rule of the Empires of the East (16th to 19th centuries․) թեմայով իրականացվող դրամաշնորհային ծրագրի շրջանակներում։ ՀԱՅԿԱԿԱՆ ԲՆԱԿԱՎԱՅՐԵՐԻ 16-19-ՐԴ ԴԱՐԵՐԻ ՊԱՏՄՈՒԹՅԱՆ ՍԿԶԲՆԱՂԲՅՈՒՐՆԵՐԸ THE SOURCES OF THE

Կարդալ ավելին …

«ՈՐՔԱՆ ՀԻՆ ԵՆ ԱՐԺԵՔՆԵՐԸ, ԱՅՆՔԱՆ ՆՈՐ ՊԵՏՔ Է ԼԻՆԵՆ ԿԱՌԱՎԱՐՈՒՄՆ ՈՒ ԱՅԴ ԱՐԺԵՔՆԵՐԻ ՆԵՐԿԱՅԱՑՄԱՆ ՁԵՎԵՐԸ»

Իրադարձություններ

Այս նշանաբանով ս.թ. օգոստոսի 19-ին Մատենադարանում, Ֆասթ Բանկի աջակցությամբ, պաշտոնապես բացվեցին հուշանվերների սրահը և սրճարանը՝ ամբողջացնելով այցելուների համար նախատեսված ենթակառուցվածքները։ Բացմանը ներկա էին ՀՀ ԿԳՄՍ նախարար Ժաննա Անդրեասյանը, Մատենադարանի բարերար Վահե Բադալյանը, մշակույթի և մասնավոր հատվածի ներկայացուցիչներ: Հուշանվերների սրահում այցելուները հնարավորություն կունենան ձեռք բերելու Մատենադարանի հավաքածուների, հայկական ձեռագրերի և մանրանկարչության ներշնչումով ստեղծված հուշանվերներ, ինչպես նաև

Կարդալ ավելին …

ԼՈՒՅՍ Է ՏԵՍԵԼ «ԲԱՆԲԵՐ ՄԱՏԵՆԱԴԱՐԱՆԻ» ՀԱՆԴԵՍԻ 41-ՐԴ ՀԱՄԱՐԸ

Նոր հրատարակություններ

Մատենադարանի հրատարակչությունը, «ՋԵՅ ԹԻ ԱՅ ԱՐՄԵՆԻԱ» ՓԲԸ-ի աջակցությամբ, լույս է ընծայել ԲԱՆԲԵՐ ՄԱՏԵՆԱԴԱՐԱՆԻ հանդեսի նոր՝ 41-րդ համարը։ Հանդեսի այս հատորում հրատարակվել են պատմաբանասիրական, բժշկագիտական, աստվածաբանական ուսումնասիրություններ, բնագրեր ու վավերագրեր։ ԲԱՆԲԵՐ ՄԱՏԵՆԱԴԱՐԱՆԻ հանդեսի 41-րդ համարի թվային տարբերակին կարող եք ծանոթանալ այստեղ:

ՀԱՅԵՐԵՆ ՁԵՌԱԳՐԱԿԱՆ ՀԱՎԱՔԱԾՈՒՆԵՐԻ ՊԱՀՊԱՆՄԱՆ ԱՌԱՔԵԼՈՒԹՅԱՆԸ ՑՈՒՑԱԲԵՐԱԾ ՆՇԱՆԱԿԱԼԻ ԱՋԱԿՑՈՒԹՅԱՆ ՀԱՄԱՐ ՎԵՆԵՏԻԿՈՒՄ ՀԱՅԱՍՏԱՆԻ ՊԱՏՎԱՎՈՐ ՀՅՈՒՊԱՏՈՍ ԳԱԳԻԿ ՍԱՐՈՒԽԱՆՅԱՆԸ ՊԱՐԳԵՎԱՏՐՎԵԼ Է ՄԱՏԵՆԱԴԱՐԱՆԻ «ԵՐԱԽՏԱԳԻՏՈՒԹՅԱՆ ՄԵԴԱԼ»-ՈՎ

Իրադարձություններ

Վենետիկում Հայաստանի պատվավոր հյուպատոս Գագիկ Սարուխանյանն ընտանիքի հետ այցելել է Մատենադարան։ Տնօրեն Արա Խզմալյանի և տնօրենի տեղակալ Վահե Թորոսյանի ուղեկցությամբ նա շրջայց է կատարել թանգարանում, ծանոթացել նորաստեղծ ենթակառուցվածքներին, ինչպես նաև թվային տեխնոլոգիաների և վերականգնման ոլորտներում Մատենադարանի ձեռք բերած նորագույն սարքավորումների կիրառմանը։ Հյուպատոսն իր պատրաստակամությունն է հայտնել շարունակելու աջակցությունը Վենետիկի Մխիթարյան միաբանության ձեռագրական ժառանգության պահպանությանն ուղղված

Կարդալ ավելին …