Մատենագիտության և առհասարակ հայագիտության համար բացառիկ նշանակություն ունեցող «Մատենագիրք Հայոց» բազմահատոր ձեռնարկը լույս է տեսնում 2003 թվականից։ «Գալուստ Գյուլբենկյան» հիմնարկության հայկական բաժանմունքի երկարամյա ղեկավար Զավեն Եկավյանի և Մեծի Տանն Կիլիկիո կաթողիկոսության այս նախաձեռնության շնորհիվ առաջին անգամ մեկ մատենաշարում համախմբվում է 5-18 դդ. ստեղծված հայ ողջ մատենագրական ժառանգությունը: Արդեն հրատարակվել են 100-ից ավելի հեղինակներ, մի քանի հարյուր բնագրեր, որոնց մեծ մասը (մոտ՝ 80%) առաջին անգամ է տպագրվում: Հայագիտական ուսումնասիրություններին օժանդակելու համար համարակալվել են տեքստերի բոլոր նախադասությունները։ Շտկվել են նախորդ հրատարակություններին կից տպված վրիպակները։ Բոլոր բնագրերին նախորդում են առաջաբաններ, մատենագիտական համառոտ ցանկեր և բաղդատված ձեռագրերի համարներ։ Քննական-համեմատական այս հրատարկությունն անփոխարինելի ու եզակի աղբյուր է հայագիտության տարբեր ճյուղերի՝ փիլիսոփայության, պատմագիտության, լեզվաբանության, հին գրականության և բանահյուսության ուսումնասիրությունների համար: «Մատենագիրք Հայոց»-ի գրքային տարբերակին զուգահեռ, հրատարակության որոշ հատորներ արդեն հասանելի են թվային տարբերակով, ինչը մեծապես հեշտացնում է հայ և օտարազգի հայագետների հետազոտությունները՝ հնարավորություններ ստեղծելով նոր ուսումնասիրությունների համար:
Մասնագետների կանխատեսումների համաձայն՝ ողջ հայ մատենագրության հրատարակման դեպքում կունենանք մոտ 100 հատորից բաղկացած հսկայածավալ մատենաշար: Այս կարգի ծավալուն և կարևոր մատենաշարերից են՝ Patrologia Greaca, Patrologia Latina, LOEB։
 |  |  |
| ՄԱՏԵՆԱԳԻՐՔ ՀԱՅՈՑ Ա. ՀԱՏՈՐ Ե. ԴԱՐ Անթիլիաս-Լիբանան, 2003 | ՄԱՏԵՆԱԳԻՐՔ ՀԱՅՈՑ Բ. ՀԱՏՈՐ Ե. ԴԱՐ Անթիլիաս-Լիբանան, 2003 | ՄԱՏԵՆԱԳԻՐՔ ՀԱՅՈՑ Գ. ՀԱՏՈՐ Զ. ԴԱՐ Անթիլիաս-Լիբանան, 2004 |
 |  |  |
| ՄԱՏԵՆԱԳԻՐՔ ՀԱՅՈՑ Դ. ՀԱՏՈՐ Է. Դար Անթիլիաս-Լիբանան, 2005 | ՄԱՏԵՆԱԳԻՐՔ ՀԱՅՈՑ Ե. ՀԱՏՈՐ Է. Դար Անթիլիաս-Լիբանան, 2005 | ՄԱՏԵՆԱԳԻՐՔ ՀԱՅՈՑ Զ. ՀԱՏՈՐ Ը. Դար Անթիլիաս-Լիբանան, 2007 |
 |  |  |
| ՄԱՏԵՆԱԳԻՐՔ ՀԱՅՈՑ Է. ՀԱՏՈՐ Ը. Դար Անթիլիաս-Լիբանան, 2007 | ՄԱՏԵՆԱԳԻՐՔ ՀԱՅՈՑ ԺԳ. ՀԱՏՈՐ ԳԱՆՁԱՐԱՆ ԵՐԿՈՒ ԳՐՔՈՎ Գիրք Ա. Անթիլիաս-Լիբանան, 2008 | ՄԱՏԵՆԱԳԻՐՔ ՀԱՅՈՑ ԺԴ. ՀԱՏՈՐ ԳԱՆՁԱՐԱՆ ԵՐԿՈՒ ԳՐՔՈՎ Գիրք Բ. Անթիլիաս-Լիբանան, 2008 |
 |  |
| ՄԱՏԵՆԱԳԻՐՔ ՀԱՅՈՑ ԺԱ. ՀԱՏՈՐ Ժ. ԴԱՐ Պատմագրութիւն (երկու գրքով) Գիրք Ա. Երևան, 2010 | ՄԱՏԵՆԱԳԻՐՔ ՀԱՅՈՑ ԺԵ. ՀԱՏՈՐ Ժ. ԴԱՐ Պատմագրութիւն (երկու գրքով) Գիրք Բ. Անթիլիաս-Լիբանան, 2010 |
 |  |
| ՄԱՏԵՆԱԳԻՐՔ ՀԱՅՈՑ ԺԹ. ՀԱՏՈՐ ԺԲ. ԴԱՐ Մխիթար Գոշ Գիրք Ա. Երեւան, 2014 | ՄԱՏԵՆԱԳԻՐՔ ՀԱՅՈՑ Ի. ՀԱՏՈՐ ԺԲ. ԴԱՐ Մխիթար Գոշ Գիրք Բ. Երեւան, 2014 |
