Մատենադարանում հին ձեռագրերի ախտահանման, բուժման ու պահպանման գործընթացը՝ գիտական հենքով ու հիմքով, իրականացնում է Ձեռագրերի կենսաքիմիական հետազոտությունների խումբը: Աշխատանքներն ընթանում են տարբեր ուղղություններով.
1․ Միջնադարյան թանաքների կառուցվածքների ուսումնասիրում, որի նպատակն է՝ թանաքների նույնականացումը, թթվային կոռոզիայի դեմ պայքարի միջոցների հայտնաբերումը և դրանց օգտագործումը հայկական թանաքների չեզոքացման գործընթացում։
2․ Ձեռագրերի մանրանկարների պիգմենտների ուսումնասիրման ուղղությունը նպատակ ունի նույնականացնել ներկերը, ամրակայման միջոցներ կիրառել վնասված մանրանկարների համար:
3․ Միկրոկենսաբանական ուսումնասիրություններն էլ ենթադրում են ձեռագրերում, վավերագրերում սնկերի և մանրէների բացահայտում։
4. Հակասնկային և հակամանրէնային նյութերի ուսումնասիրման աղբյուրը միջնադարյան ձեռագրեր-բժշկարաններում առկա բաղադրատոմսերն են, որոնց ազդեցության հատկությունները մշակվում ու օգտագործվում են տարբեր սնկերի և մանրէների աճի կասեցման համար։
Խմբի գործառույթների առանցքում է նաև Մատենադարանի ցուցասրահների, գրադարանի և այլ տարածքների սնկային վնասվածության վիճակի հսկողությունը և հակասնկային պայքարի միջոցառումների կազմակերպումը։
Խմբի ղեկավար՝ Գայանե Էլիազյան
քիմիական գիտությունների թեկնածու
Հեռ.` +374 (010) 513017, ներքին` 1-30