![](https://matenadaran.am/wp-content/uploads/2021/06/F6A_nver-016.jpg)
Մոսկվայի պատմության թանգարանում 2016 թ. մարտի 10-ին բացվել է «Հայաստան. գոյության լեգենդ» ցուցահանդեսը, որտեղ Հայաստանի երեք խոշոր թանգարանները՝ Մ. Մաշտոցի անվան Մատենադարանը, Հայաստանի պատմության և Մայր Աթոռ Սուրբ Էջմիածնի թանգարանները 160 ցուցանմուշի միջոցով ռուս հանրությանն են ներկայացնում հայ ժողովրդի անցած ուղին և մշակութային արժեքները:
Մատենադարանի ցուցադրած նմուշներն այցելուներին լավագույնս ներկայացնում են հայ գրքարվեստի պատմությունը՝ 25 միավոր ձեռագրերի միջոցով: Մոսկվայի պատմության թանգարանում գործող «Հայաստան. գոյության լեգենդ» ցուցահանդեսում այցելուները կարող են տեսնել 1053 թ. Հ. Սանդղկավանեցու ծաղկած
![](https://matenadaran.am/wp-content/uploads/2021/06/175_nver-017.jpg)
«Ավետարանը», 1330 թ. կիլիկյան Ավետարան՝ հարուստ մանրանկարներով, Սարգիս Պիծակի նկարզադած 1337 թ. Աստվածաշուչը՝ գրված Հակոբ Բ կաթողիկոսի պատվերով, 1368 թ. ընդօրինակված «Աստվածաշունչը», որն առավել հայտնի է որպես Բոլոնիայի «Աստվածաշունչ», 1460 թ. Արճեշի դպրոցին պատկանող «Ճաշոցը», 1685-87 թթ. թվագրվող «Հայսմավուրքը», որի հարուստ մանրանկարների շարքում է նաև Գրիգոր Լուսավորչի պատկերը: Ներկայացված ձեռագրերի շարքում է նաև 17-րդ դարի շարակնոցը, որտեղ ցուցադրված է Հռիփսիմե կույսի պատկերը:
Ցուցահանդեսը գործելու է մինչև սույն թվականի հունիսի 13-ը: