Ապրիլի 26-ին քարտեզագետ Ռուբեն Գալչյանը Մատենադարանին նվիրեց երկու ժապավենաձև հմայիլ։ Ձեռագիր հմայիլը թվագրվում է 18-րդ դար, հնատիպը՝ 1717 թ. (Կ.Պոլիս, Աստվածատուր Կոստանդնուպոլսեցու տպարան)։ Հմայիլը զարդարում են առաջին հայ փորագրանկարիչ Գրիգոր Մարզվանեցու ստեղծագործությունները։
Մեսրոպ Մաշտոցի անվան Մատենադարանի և Մալթայի ազգային գրադարանի միջև կնքվել է փոխըմբռնման հուշագիր, որով նախատեսվում է սերտ համագործակցություն հաստատել գրադարանային ոլորտում, ինչպես նաև համատեղ ծրագրեր, ցուցահանդեսներ իրականացնել: Այս համագործակցության շրջանակում 2023թ. Լա Վալետայում կազմակերպվելու է համատեղ ցուցահանդես՝ նվիրված Հայաստանի և Մալթայի միջև դիվանագիտական հարաբերությունների հաստատման 30-ամյակին։Փոխըմբռնման հուշագրի կնքմանը մեծապես նպաստեց Հայաստանում և Վրաստանում Մալթայի Հանրապետության
Ապրիլի 6-ին Վրաստանի Հանրապետության խորհրդարանի նախագահ Շալվա Պապուաշվիլիի գլխավորած պատվիրակությունն այցելեց Մաշտոցյան Մատենադարան։ Հյուրերը՝ Մատենադարանի տնօրեն Վահան Տեր-Ղևոնդյանի ուղեկցությամբ շրջայց կատարեցին թանգարանային համալիրում, ծանոթացան հայ միջնադարյան մատենագրությանը, ինչպես նաև Մատենադարանում պահվող այլալեզու ձեռագրերին: Պատվիրակությանը ներկայացվեցին նաև աշխարհի տարբեր երկրներում տպագրված հայերեն հնատիպ գրքեր:
Ապրիլի 5-ին Մաշտոցյան Մատենադարան այցելեց Հայաստանում և Վրաստանում Մալթայի Հանրապետության դեսպան Ջորջ Սաիդ-Զամմիթը, որի հետ քննարկվեցին հայ-մալթայական գիտամշակութային համագործակցության հեռանկարները։ Առաջիկայում նախատեսվում է ստորագրել համաձայնագիր Մատենադարանի և Մալթայի ազգային գրադարանի միջև, նաև, 2023թ. Լա Վալետայում կազմակերպել համատեղ ցուցահանդես նվիրված Հայաստանի և Մալթայի միջև դիվանագիտական հարաբերությունների հաստատման 30-ամյակին։
