![](https://matenadaran.am/wp-content/uploads/2024/06/448252041_868793131942752_3332664631271934128_n-1024x683.jpg)
Աշխատաժողովն ընթանում է Մատենադարանի և Եվրոպական գիտահետազոտությունների խորհրդի «Հայաստանը որպես հանգույց. կապեր և մշակութային փոխհարաբերություններ միջնադարյան Եվրասիայում. IX-XIV դդ.» ծրագրի համագործակցությամբ:
Մատենադարանի տնօրեն Արա Խզմալյանը ողջունի ուղերձ է հղել աշխատաժողվի մասնակիցներին, որում ընդգծել է հայագիտության զարգացման գործում իտալական կրթական ու մշակութային հաստատությունների ավելի քան երեքդարյա դերակատարությունը: Հայագիտական կենտրոնները կամրջելու և համախմբելու առաքելությունը ստանձնած Մատենադարանը բարձր է գնահատում Իտալիայի գիտակրթական կենտրոններում ներկայումս ընթացող հայագիտական՝ մասնավորապես միջնադարագիտական հետազոտությունները, որոնց շարքում առանձնակի նշանակություն ունի Ֆլորենցիայի համալսարանում իրականացվող ԱրմԵն ծրագիրը, որի աշխատաժողովն էլ հյուրընկալվել է Մատենադարանում:
Ուղերձը ներկայացրել, ինչպես նաև, առաջին նիստը վարել է տնօրենի գիտական գծով տեղակալ Վահե Թորոսյանը:
Աշխատաժողովի բացման արարողությանը ներկա է եղել ու ողջույնի խոսք է ուղղել ՀՀ-ում Իտալիայի արտակարգ և լիազոր դեսպան Ալֆոնսո դի Րիզոն:
Թեմատիկ ելույթներով հանդես են եկել գիտնականներ՝ Ֆլորենցիայի, Քեմբրիջի համալսարաններից, Ֆրանսիայի գիտահետազոտական ազգային կենտրոնից, Մոսկվայի Տնտեսագիտության բարձրագույն դպրոցից, Մատենադարանից: Բանախոսների ելույթներին հաջորդել են քննարկումներ՝ հարց ու պատասխանի ձևաչափով:
![](https://matenadaran.am/wp-content/uploads/2024/06/448311366_868794631942602_6919503479895248065_n-1024x683.jpg)
![](https://matenadaran.am/wp-content/uploads/2024/06/448316328_868793768609355_5243505579957476013_n-1024x683.jpg)
![](https://matenadaran.am/wp-content/uploads/2024/06/448252980_868795031942562_6154622692076469086_n-1024x683.jpg)
![](https://matenadaran.am/wp-content/uploads/2024/06/448316149_868794375275961_5028508276691747616_n-1024x683.jpg)
![](https://matenadaran.am/wp-content/uploads/2024/06/448318423_868794908609241_7063201254953809524_n-1024x683.jpg)