ՄԱՇՏՈՑՅԱՆ ՄԱՏԵՆԱԴԱՐԱՆՈՒՄ ՄԵԿՆԱՐԿԵԼ Է ՁԵՌԱԳԻՐ ԵՎ ՏՊԱԳԻՐ ԺԱՌԱՆԳՈՒԹՅԱՆ ՊԱՀՊԱՆՄԱՆ ԵՎ ՎԵՐԱԿԱՆԳՆՄԱՆ ՆՈՐԱԳՈՒՅՆ ՏԵԽՆՈԼՈԳԻԱՆԵՐԻ «ՀԻՇՈՂՈՒԹՅԱՆ ԿԵՐՊԱՐԱՆՔՆԵՐԸ» 13-ՐԴ ՄԻՋԱԶԳԱՅԻՆ ՍԵՄԻՆԱՐԸ

«Հիշողության կերպարանքները» միջազգային սեմինարն իր շուրջն է համախմբում գրավոր ժառանգության պահպանման առաքելություն ունեցող աշխարհի կարևոր հաստատություններին: 13 տարիների ընթացքում հյուրընկալել է ավելի քան 130 միջազգային կառույց, հարյուրավոր մասնագետների, հաստատել նոր գործնական կապեր:

Մատենադարանը Հայաստանում գրավոր ժառանգության վերականգնման միակ պրոֆեսիոնալ կենտրոնն է և՝ լավագույններից տարածաշրջանում: Ըստ Մատենադարանի զարգացման նոր ռազմավարության՝ ընդլայնվելու է Մատենադարանի պատասխանատվությունը գրավոր ժառանգության վերականգնման ոլորտում՝ ընգրկելով նաև աշխարհի տարբեր անկյունների հայ հոգևոր-ձեռագրական կենտրոնները, որոնց ներկայացուցիչներն այսօր արդեն այս սեմինարի մասնակիցներն են: Մատենադարանի տեխնիկական վերազինումն ու ենթակառուցվածքային բարեփորումները նաև այս նպատակն են հետապնդում:

«Հիշողության կերպարանքները» միջազգային 13-րդ սեմինարն իրականացվում է ՀՀ ԿԳՄՍ նախարարության, Հայաստանում Եվրոպական Միության և Արարատ Բանկի աջակցությամբ։

Բացմանը ընթերցվեց ՀՀ ԿԳՄՍ նախարար Ժաննա Անդրեասյանի ողջույնի խոսքը և հանդես եկան ԵՄ պատվիրակության դեսպան Վասիլիս Մարագոսը և Արարատ Բանկի խորհրդի նախագահ Գրիգոր Հովհաննիսյանը։

Կիսվել