![](https://matenadaran.am/wp-content/uploads/2024/09/457737223_920592866762778_1270112416489298092_n-768x1024.jpg)
Վերականգնման ոլորտում ինքնուրույնությունը և միջազգային շուկայից անկախացումը Մատենադարանի համար գերակայություն է։ Այս նպատակով մեկնարկել են հայկական վերականգնման թղթի սեփական արտադրության, վերականգնման թղթի կիրառելիության եղանակների և նոր մեթոդների բացահայտմանն ուղղված միջոցառումները։
Եվրոպական միության կողմից ֆինանսավորվող EU4CULTURE ծրագրի շրջանակում, որի առաջատար գործընկերը Գյոթե Ինստիտուտն է, Մատենադարանի վերականգնման բաժնի ղեկավար Գայանե Էլիազյանը և ավագ վերականգնողներ Արտավազդ Այվազյանն ու Արթուր Պետրոսյանը մեկնել են Բեռլին՝ ճապոնական վերականգնման թղթի հայտնի մասնագետ Գանգոլֆ Ուլբրիխտի արհեստանոցում ծանոթանալու ձեռագործ թղթարտադրության բոլոր առանձնահատկություններին։
Մատենադարանի ավագ վերականգնող Լիլիթ Բաչաչյանն էլ մասնակցում է Տոկիոյի մշակութային արժեքների հետազոտությունների ազգային ինստիտուտի «Ճապոնական թղթի վերականգնման միջազգային դասընթաց 2024» ծրագրին։ Մրցույթի շուրջ 300 մասնակիցներից ընտրվել է միայն 10-ը, այդ թվում՝ Մատենադարանի աշխատակցուհին։
![](https://matenadaran.am/wp-content/uploads/2024/09/457370025_920592900096108_5960961282985110928_n-614x1024.jpg)
![](https://matenadaran.am/wp-content/uploads/2024/09/457473487_920592880096110_3707868454292820328_n-576x1024.jpg)
![](https://matenadaran.am/wp-content/uploads/2024/09/457523246_920592276762837_5261795418674181254_n.jpg)