«Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտը հայտարարում է 2024 թվականի, հեռակա ուսուցմամբ (անվճար հիմունքներով) ասպիրանտուրայի ընդունելություն, հետևյալ մասնագիտության գծով՝ Կերպարվեստ, դեկորատիվ արվեստ, դիզայն, ԺԷ. 00.03- 1 տեղ Փաստաթղթերն ընդունվում են մինչև ս.թ սեպտեմբերի 13-ը՝ ժամը 16.00 ներառյալ, հետևյալ հասցեում՝ ք. Երևան, Մաշտոցի պող. 53, Մեսրոպ Մաշտոցի անվան Մատենադարան: Տեղեկությունների համար դիմել տնօրենի ընդունարան
Վերականգնման ոլորտում ինքնուրույնությունը և միջազգային շուկայից անկախացումը Մատենադարանի համար գերակայություն է։ Այս նպատակով մեկնարկել են հայկական վերականգնման թղթի սեփական արտադրության, վերականգնման թղթի կիրառելիության եղանակների և նոր մեթոդների բացահայտմանն ուղղված միջոցառումները։ Եվրոպական միության կողմից ֆինանսավորվող EU4CULTURE ծրագրի շրջանակում, որի առաջատար գործընկերը Գյոթե Ինստիտուտն է, Մատենադարանի վերականգնման բաժնի ղեկավար Գայանե Էլիազյանը և ավագ վերականգնողներ Արտավազդ Այվազյանն ու
Լույս է տեսել «Բանբեր Մատենադարանի» հանդեսի 37-րդ համարը: Ներբեռնելու համար սեղմեք այստեղ:
Մատենադարանը հայտարարում է հին հունարենի և լատիներենի դասընթացներ և՛ Մատենադարանի աշխատակիցների, և՛ բոլոր ցանկացողների համար։ Դասերը վարելու է բանասիրական գիտությունների թեկնածու, Մատենադարանի ավագ գիտաշխատող և Սանկտ-Պետերբուրգի համալսարանի դասական բանասիրության երկարամյա դասախոս Վսեվոլոդ Զելչենկոն։ Դասերն անցկացվելու են ռուսերեն, անհրաժեշտության դեպքում՝ նաև անգլերեն և ֆրանսերեն։ Դասընթացների մանրամասն նկարագրությունը տե՛ս այստեղ: Դիմումների ընդունման վերջնաժամկետը սեպտեմբերի 15-ը: Գրանցվելու համար
Անցած տարեվերջին Մաշտոցյան Մատենադարանում բացվեց «Մատենադարան․ լուսանկարչական գանձարանի հայտնությունը» խորագրով ցուցադրություն։ Շուրջ տասը ամիսների ընթացքում այցելուներն ունեցան եզակի հնարավորություն տեսնելու Մատենադարանի տարբեր հավաքածուներից հայտնաբերված այնպիսի լուսանկարներ, որոնք ունեն պատմական, գեղարվեստական, աղբյուրագիտական, արվեստաբանական և ազգագրական բացառիկ կարևորություն: Հին լուսանկարների հանրայնացումն աննախադեպ իրադարձություն էր Մատենադարանի գիտացուցադրական գործունեության մեջ: «Մատենադարան․ լուսանկարչական գանձարանի հայտնությունը» ցուցադրությունը նկատելիորեն նպաստել է հանրության
Մատենադարանում պահվող առեղծվածային վերապրումի պատմությամբ, ճոխ մանրանկարչական հարդարանք ունեցող ձեռագրերից է Օխուի Ավետարանը։Այն հայկական մանրանկարչության դեռևս չբացահայտված կարևոր նմուշներից է, որն իր հարուստ պատկերաշարով ներկայացնում է գեղարվեստական մեծ արժեք։ Ավետարանի ուշագրավ առանձնահատկություններից են էջով մեկ արված 30-ից ավելի մանրանկարները։ Ձեռագրի հարուստ տերունական շարքը ներառում է և՛ կանոնական ավետարանական, և՛ հիմնական նկարաշարից դուրս տեսարաններ, ինչպես նաև,
Արաբական ավանդական գրականությունը թերևս ամենածավալունն է աշխարհում։ Բրոկելմանի «Արաբ գրականության պատմության» երրորդ հավելվածը (1942թ․) պարունակում է մոտ 18 000 հեղինակի անուն և 25 000 անվանում։ Արաբերեն պահպանված ձեռագրերի թիվն աշխարհում, ըստ տարբեր աղբյուրների՝ 5-ից 12 միլիոն է։ Մատենադարանի արաբերեն ձեռագրերի հավաքածուն՝ շուրջ 1 800 նմուշով, ներկայացնում է գիտական բազմաթիվ բնագավառներ՝ փիլիսոփայություն, պատմություն, կրոն, իրավագիտություն, գրականություն,
ԱՄՆ դեսպանի մշակութային արժեքների պահպանության հիմնադրամը Մատենադարանին է հատկացրել 74,000 ԱՄՆ դոլար՝ Լեռնային Ղարաբաղում գրչագրված ձեռագիր մատյանների և նրա հնագույն պատմությանն առնչվող բացառիկ վավերագրերի վերականգնման ու հանրահռչակման համար։ Ծրագրի շրջանակում ընտրվել են Գանձասարում, Դադիվանքում, Գնդեվանքում, Խադավանքում, Գտչավանքում և հայկական այլ միջնադարյան վանքերում 13-18-րդ դարերում գրված և նկարազարդված այնպիսի ձեռագրեր, եզակի արխիվային վավերագրեր, որոնք լույս են
2024 թվականին լրանում է Մատենադարանի երիտասարդական ամենամյա գիտաժողովի 10-րդ հոբելյանական տարին։ Գիտաժողովը փաստել է իր արդյունավետությունն ու բարձր որակը։ Հաշվի առնելով գիտաժողովի բնույթը և կարևորությունը, ինչպես նաև Մաշտոցյան Մատենադարանի դերը հայ միջնադարագիտության բնագավառում՝ որոշվել է ընդլայնել գիտաժողովի շրջանակը: Այն այս տարվանից կանցկացվի նոր՝ «Մատենադարանի միջնադարագիտական գիտաժողով» խորագրով։ Մատենադարանի միջնադարագիտական գիտաժողովը տեղի կունենա 2024 թ․ նոյեմբերի
Մատենադարանի հրատարակչությունը լույս է ընծայել Գրիգոր Տաթևացու «Լուծմունք Յոբայ» երկի բնագիրը՝ աշխատասիրությամբ Էլյա Սարիբեկյանի: Գիրքը բովանդակում է հայ միջնադարյան եռամեծար և յոթնալույս վարդապետ Սուրբ Գրիգոր Տաթևացու՝ Հոբի գրքի լուծմունքի բնագիրը, որը հրատարակվում է ըստ Մատենադարանի թիվ 1115 ինքնագիր օրինակի։ Բնագրին կից ուսումնասիրությունը համակողմանի ներկայացնում է Հոբի գրքի առանցքային խնդիրները, լուծմունքի հիմնական առանձնահատկությունները։ Գիրքը նախատեսված է
'/%3E%3C/svg%3E){kind=small}
