![](https://matenadaran.am/wp-content/uploads/2022/07/295696251_1231713104247426_8102175913872522902_n-1024x529.jpg)
2022 թ. հոկտեմբերին Մաշտոցյան Մատենադարանում բացվելու է «Վերականգնումը Հայաստանում» խորագրով ցուցահանդես, որի շրջանակներում նախատեսվում է վերականգնողական արվեստին նվիրված ընդարձակ ցուցադրություն:
Ցուցահանդեսին մասնակցելու են «Պատմամշակութային ժառանգության գիտահետազոտական կենտրոն»-ը, «Էրեբունի պատմահնագիտական արգելոց-թանգարան»-ը, «Հայաստանի պատմության թանգարան»-ը, «Հայաստանի Ազգային Պատկերասրահ»-ը, «Հայաստանի ազգային արխիվ»-ը, «Պահպանության ծառայություն»-ը և Մայր Աթոռ Սուրբ Էջմիածնի թանգարանները։ Այս առիթով հուլիսի 25-ին Մաշտոցյան Մատենադարանում նշված կառույցների միջև կնքվեց համագործակցության հուշագիր, ըստ որի ցուցադրվելու են հիշյալ կառույցների մասնագետների կողմից վերջին տարիներին վերականգնված գեղանկարչության, ձեռագիր գրքերի, գորգերի, զարդերի, խեցեղենի, գործվածքի և փայտարվեստի ակնառու նմուշները:
Վերականգնողական արվեստին նվիրված նմանօրինակ համալիր ցուցադրություն Հայաստանում բացվելու է առաջին անգամ։
![](https://matenadaran.am/wp-content/uploads/2022/07/295835739_1231712977580772_2594689435345449999_n-1024x662.jpg)
![](https://matenadaran.am/wp-content/uploads/2022/07/295968361_1231712884247448_7698843685525588230_n-1-1024x616.jpg)