Blog

ՄԱՏԵՆԱԴԱՐԱՆԻ ՊԱՏՎԻՐԱԿՈՒԹՅՈՒՆՆ ԱՅՑԵԼԵԼ Է ՊՐԱԼԻԱՅԻ ԱԲԲԱՅՈՒԹՅԱՆ ԳՐՔԻ ՎԵՐԱԿԱՆԳՆՄԱՆ ԼԱԲՈՐԱՏՈՐԻԱ (LABORATORIO DI RESTAURO DEL LIBRO DELL’ABBAZIA DI PRAGLIA)

Մատենադարանի պատվիրակությունն այցելել է Պրալիայի աբբայության գրքի վերականգնման լաբորատորիա, որտեղ ներկայացվել են լաբորատորիայի գործունեությունը, գրքերի և ձեռագրերի վերականգնման մեթոդներն ու աշխատանքի կազմակերպման սկզբունքները։ Մատենադարանի ավագ վերականգնողներ Արտավազդ Այվազյանը և Արթուր Պետրոսյանը իտալացի գործընկերների հետ մանրամասն քննարկել են փոխադարձ հետաքրքրություն ներկայացնող մասնագիտական հարցեր, ներկայացրել Մատենադարանում վերջին տարիներին իրականացված բարեփոխումներն ու փորձը գրավոր ժառանգության պահպանության և վերականգնման

Կարդալ ավելին …

ՄԱՏԵՆԱԴԱՐԱՆԻ ՊԱՏՎԻՐԱԿՈՒԹՅՈՒՆՆ ԱՅՑԵԼԵԼ Է ՎԵՆԵՏԻԿՈՒՄ ՀԱՅԱՍՏԱՆԻ ՊԱՏՎՈ ՀՅՈՒՊԱՏՈՍՈՒԹՅՈՒՆ

Մատենադարանի տնօրեն Արա Խզմալյանը Վենետիկում Հայաստանի Հանրապետության պատվավոր հյուպատոս Գագիկ Սարուխանյանին հայտնել է խորին երախտագիտություն՝ Վենետիկի Մխիթարյան միաբանության ձեռագրական ժառանգության պահպանությանն ուղղված ծրագրերին և միջոցառումներին ցուցաբերած նշանակալի աջակցության համար։ Հանդիպման ընթացքում ներկայացվել են նաև այդ ուղղությամբ Մատենադարանի առաջիկա ծրագրերն ու նախաձեռնությունները, քննարկվել են համագործակցության հետագա զարգացման հնարավորություններն ու համատեղ իրականացվելիք աշխատանքները։

ՄԽԻԹԱՐ ՍԵԲԱՍՏԱՑՈՒ 350 ԱՄՅԱԿԻ ՇՐՋԱՆԱԿՈՒՄ ՄԵԿՆԱՐԿՈՒՄ Է ՎԵՆԵՏԻԿԻ ՄԽԻԹԱՐՅԱՆ ՄԻԱԲԱՆՈՒԹՅԱՆ ՁԵՌԱԳՐԱԿԱՆ ՀԱՎԱՔԱԾՈՒՆԵՐԻ ՄՇՏԱԴԻՏԱՐԿՄԱՆ ԵՎ ՎԵՐԱԿԱՆԳՆՄԱՆ ԱՌԱՔԵԼՈՒԹՅՈՒՆԸ

Այս նպատակով Մատենադարանի պատվիրակությունը, տնօրեն Արա Խզմալյանի գլխավորությամբ, ժամանել է Սուրբ Ղազար կղզի:Առաքելության մեկնարկն իրականացվում է Մատենադարանի տնօրենի լիազորված ներկայացուցիչ Հովհաննես Առաքելյանի և Վենետիկում Հայաստանի Հանրապետության պատվավոր հյուպատոս Գագիկ Սարուխանյանի գործուն աջակցությամբ և անմիջական մասնակցությամբ։Պատվիրակության կազմում են Մատենադարանի տնօրենի գիտական գծով տեղակալ Վահե Թորոսյանը, տնօրենի խորհրդական Գուրգեն Գասպարյանը։Առաքելության մասնագիտական աշխատանքներում ընդգրկված են Մատենադարանի ավագ վերականգնողներ

Կարդալ ավելին …

ԼՈՒՅՍ Է ՏԵՍԵԼ ԼՈՆԴՈՆԻ ԱՃՈՒՐԴՆԵՐՈՒՄ ՎԱՃԱՌՎԱԾ ՀԱՅԵՐԵՆ ՁԵՌԱԳՐԵՐԻ ԱՆԳԼԵՐԵՆ ՁԵՌԱԳՐԱՑՈՒՑԱԿԸ

Մատենադարանի հրատարակչությունը լույս է ընծայել Տեր Ներսես ավագ քահանա (Վրեժ) Ներսեսյանի՝ «A Catalogue of Armenian Manuscripts Sold by London Auction Houses» ձեռագրացուցակը, որն առաջին անգամ մեկտեղում է Լոնդոնի հեղինակավոր աճուրդի տներում վաճառված հայերեն ձեռագրերի նկարագրությունները։ Հրատարակությունը եզակի նշանակություն ունի ձեռագրագիտական ուսումնասիրությունների համար։ Այն ամփոփում է ավելի քան քառասուն տարվա աշխատանքի արդյունքը՝ ներառելով 1974–2016 թվականներին Sotheby’s,

Կարդալ ավելին …

ՀԱՅ ԿԱԹՈՂԻԿԵ ՀԱՄԱՅՆՔԻ ԱՌԱՋՆՈՐԴՆԵՐԻ ԱՅՑԸ ՄԱՏԵՆԱԴԱՐԱՆ

Մատենադարան են այցելել Թուրքիայի Հայ կաթողիկե համայնքի առաջնորդ, Գերապայծառ Տեր Վարդան թագադիր ծայրագույն վարդապետ Կիրակոս Գազանճյանը և Հայաստանի, Վրաստանի, Ռուսաստանի ու Արևելյան Եվրոպայի կաթողիկե հայոց առաջնորդ, Գևորգ արքեպիսկոպոս Նորատունկյանը Հյուրերը հանդիպել են Մատենադարանի տնօրեն Արա Խզմալյանին և տնօրենի գիտական գծով տեղակալ Վահե Թորոսյանին, քննարկել համագործակցության հնարավոր ուղղությունները։ Նրանք այցելել են նաև Վերականգնման բաժին։

ԳԻՏԱԺՈՂՈՎ ՍՈՖԻԱՅՈՒՄ

Մատենադարանի Արևելագիտության բաժնի վարիչ պ․գ․դ․ պրոֆ․ Քրիստինե Կոստիկյանը մասնակցել է հունիսի 18-19-ին Սոֆիայի Ս․ Կլեմենտ Օխրիդսկու անվան Համալսարանում կազմակերպված «Հայաստան՝ դարերի ու աշխարհների խաչմերուկ միջազգային գիտաժողովին՝ կարդալով զեկուցում Ս․ Թովմա Առաքյալի վանքի պարսկերեն վավերագրերը որպես Ագուլիսի 18-րդ դարի սկզբնաղբյուր թեմայով։

ԼՈՒՅՍ Է ՏԵՍԵԼ «ԽԻԶԱՆԻ ՄԱՆՐԱՆԿԱՐՉՈՒԹՅԱՆ ԱՐՎԵՍՏԱՆՈՑԸ․16-ՐԴ ԴԱՐԻ ՎԵՐՋ-17-ՐԴ ԴԱՐ ՊԱՏԿԵՐԱԳԻՐՔ-ՈՒՍՈՒՄՆԱՍԻՐՈՒԹՅՈՒՆԸ

Մատենադարանի հրատարակչությունը լույս է ընծայել ավագ գիտաշխատող, արվեստագիտության դոկտոր, պրոֆեսոր Հրավարդ Հակոբյանի «Խիզանի մանրանկարչության արվեստանոցը․16-րդ դարի վերջ-17-րդ դար(Մատենադարանի հավաքածու)» պատկերագիրք-ուսումնասիրությունը։ Գիրքը նվիրված է հայ ձեռագրարվեստի խոշոր կենտրոններից մեկի՝ Խիզանի 16-17-րդ դարերի մանրանկարչության առանձնահատկությունների ուսումնասիրությանը։ Խմբագիր՝ Լուսինե ՍարգսյանՁևավորումը՝ Մարտիրոս Տոլմաճեանի Պատկերագիրքը լույս է տեսել «ՋԵՅ ԹԻ ԱՅ ԱՐՄԵՆԻԱ» ՓԲԸ-ի աջակցությամբ։ Ուսումնասիրության առաջաբանին կարող եք ծանոթանալ այստեղ։

ՄԱՏԵՆԱԴԱՐԱՆՈՒՄ ՏԵՂԻ Է ՈՒՆԵՑԵԼ ԱՎԱԳ ԳԻՏԱՇԽԱՏՈՂ, ԱՐՎԵՍՏԱԳԻՏՈՒԹՅԱՆ ԴՈԿՏՈՐ, ՊՐՈՖԵՍՈՐ ՀՐԱՎԱՐԴ ՀԱԿՈԲՅԱՆԻ ԾՆՆԴՅԱՆ 95-ԱՄՅԱԿԻՆ ՆՎԻՐՎԱԾ ՀՈԲԵԼՅԱՆԱԿԱՆ ՄԻՋՈՑԱՌՈՒՄԸ

Միջոցառման շրջանակում կայացավ Հրավարդ Հակոբյանի «Խիզանի մանրանկարչության արվեստանոցը» գրքի շնորհանդեսը, ինչպես նաև «Կյանքը Մատենադարանում» վավերագրական ֆիլմի պրեմիերան, որը նվիրված է գիտնականի կյանքին և գործունեությանը: Միջոցառմանը շնորհավորական ուղերձներով հանդես եկան Մատենադարանի տնօրեն Արա Խզմալյանը, Արվեստի ինստիտուտի տնօրեն Աննա Ասատրյանը, Գեղարվեստի պետական ակադեմիայի ռեկտոր Վարդան Ազատյանը, Հայաստանի նկարիչների միության նախագահ Սուրեն Սաֆարյանը, Մատենադարանի միջնադարյան արվեստի բաժնի ղեկավար

Կարդալ ավելին …

ԻՍՊԱՆԻԱՅԻ ԱԶԳԱՅԻՆ ԳՐԱԴԱՐԱՆՈՒՄ ՆԵՐԿԱՅԱՑՎԱԾ «ՀՈԳԵՎՈՐ ՔԱՐՏԵԶԻ ԱՐԱՀԵՏՆԵՐՈՎ. ՀԱՅԿԱԿԱՆ ՁԵՌԱԳՐԱԿԱՆ ԱՐՎԵՍՏԸ» ԲԱՑԱՌԻԿ ՑՈՒՑԱԴՐՈՒԹՅԱՆ ՆՄՈՒՇՆԵՐԸ ՎԵՐԱԴԱՐՁԵԼ ԵՆ ՄԱՏԵՆԱԴԱՐԱՆ

Մեկ սրահում կազմակերպված ցուցադրությունն ունեցել է աննախադեպ հետաքրքրություն՝ կարճ ժամանակահատվածում հյուրընկալելով շուրջ 13 000 այցելուի։ Մատենադարանի հավաքածուների միջազգայնացումը շարունակելու է մնալ առաջնահերթություն:

ՄԱՏԵՆԱԴԱՐԱՆ Է ԱՅՑԵԼԵԼ «ԱՐԱՐԱՏԲԱՆԿ»-Ի ՆՈՐԱՆՇԱՆԱԿ ՎԱՐՉՈՒԹՅԱՆ ՆԱԽԱԳԱՀ ԵՎ ԳՈՐԾԱԴԻՐ ՏՆՕՐԵՆ ՎԱԽԹԱՆԳ ԱԲՐԱՀԱՄՅԱՆԸ

Տնօրեն Արա Խզմալյանի ուղեկցությամբ Վախթանգ Աբրահամյանը ծանոթացել է Մատենադարանի ցուցադրություններին, այցելել վերականգնման նոր լաբորատորիաներ, մասնավորապես, ծանոթացել՝ «ԱրարատԲանկի» հովանավորությամբ բացված ձեռագրերի կենսաքիմիական հետազոտման լաբորատորիային և բանկի աջակցությամբ տեղադրված անվտանգության արտաքին համակարգին։ Մատենադարանի տնօրենությունը մասնակցել է նաև բանկի 35-րդ տարեկան հաշվետու նիստի կապակցությամբ կազմակերպված հանդիսավոր միջոցառմանը։ Երկուստեք կարևորվել է վճռականությունը՝ հետայսու ևս գործակցել գրավոր ժառանգության պահպանման և

Կարդալ ավելին …