![](https://matenadaran.am/wp-content/uploads/2024/02/424866674_786072523548147_1389537929911085641_n-1024x702.jpg)
Հայաստանի ժողովրդական նկարչի քանդակների ցուցասրահում տեղի է ունեցել «Ղուկաս Չուբարյան 100. ցուցահանդեսի կատալոգի» շնորհանդեսը: Նախաձեռնությունը քանդակագործի դուստր Անուշ Չուբարյանինն է: Գաղափարի իրագործմանն աջակցել են ՀՀ ԿԳՄՍ նախարարությունն ու Ազգային պատկերասրահը: Կատալոգը ներառում է արվեստագետի կյանքի կարևոր շրջափուլերը ներկայացնող շուրջ 30 քանդակների պատկերներն ու արխիվային լուսանկարները:
![](https://matenadaran.am/wp-content/uploads/2024/02/424663011_786046126884120_3893332827436286691_n-1024x837.jpg)
Ներկաներին ողջունել է Մատենադարանի տնօրենի տեղակալ Վահե Թորոսյանը, ելույթ են ունեցել նաև քանդակագործի դուստրը՝ Անուշ Չուբարյանը, ՀՀ Ազգային պատկերասրահի քանդակի բաժնի վարիչ Մարիամ Դավթյանը, պատկերագրքի դիզայներ-կազմող Օքսաննա Լեբեդևա Սկաչկոն:
Քանդակագործի ընտանիքի որոշմամբ ցուցադրությանը ներկայացված Մովսես Խորենացու, Անանիա Շիրակացու և Թորոս Ռոսլինի քանդակներն ընծայաբերվել են Մատենադարանին:
Պատկերագիրքը հնարավոր կլինի ձեռք բերել Մատենադարանի և Ազգային պատկերասրահի կրպակներից:
![](https://matenadaran.am/wp-content/uploads/2024/02/424781043_786046203550779_7240936542417723601_n-1024x683.jpg)