![](https://matenadaran.am/wp-content/uploads/2024/03/433436093_814191647402901_7113206061850460784_n-1024x768.jpg)
2024 թ․ մարտի 18-19-ին Մեսրոպ Մաշտոցի անվան Մատենադարանի պատվիրակությունը՝ տնօրեն Արա Խզմալյանի գլխավորությամբ, այցելել է Թբիլիսիի Կորնելի Կեկելիձեի անվան ձեռագրերի ազգային կենտրոն։
Տնօրեն Զազա Աբաշիձեն ողջունելով պատվիրակությանը՝ անդրադարձ է կատարել կենտրոնի և Մատենադարանի համագործակցության պատմությանը, ներկայացրել հայագիտական բաժնի գործունեությունը և շնորհակալություն հայտնել պատասխան այցի համար։
Քննարկման արդյունքում որոշվել է առաջիկայում նախաձեռնել հայ-վրացական աշխատաժողովներ, համատեղ ջանքերով հրատարակել կենտրոնում պահպանվող հայերեն ձեռագրերի և փոխադարձաբար՝ Մատենադարանում պահպանվող վրացերեն ձեռագրերի ցուցակները, համագործակցել ապագայում ներդրվող մագիստրոսական ծրագրի և երիտասարդ կարդերի վերապատրաստման շրջանակում։
Առաջիկայում նախատեսվում է կենտրոնի հայագիտական բաժնի աշխատակիցների մեկշաբաթյա այց Երևան, ինչպես նաև տնօրեն Զազա Աբաշիձեի մասնակցությունը հուլիսին կայանալիք Միջազգային հայագիտական կոնգրեսին։
![](https://matenadaran.am/wp-content/uploads/2024/03/432774532_814191707402895_4741814454788858783_n-1024x768.jpg)
![](https://matenadaran.am/wp-content/uploads/2024/03/433403076_814191674069565_1198108461477133233_n-1024x576.jpg)