Գիտաժողովի կազմակերպիչներ՝
«Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտ
ISFNR (The International Society for Folk Narrative Research)
Հայտերի ներկայացման վերջնաժամկետի երկարաձգում
«Հմայությունն ու ձեռագրերը»
ISFNR-ի (Ժողովրդական պատումների հետազոտության միջազգային կազմակերպություն) Charms, Charmers and Charming («Հմայիլներ, հմայագործներ և հմայագործություն») հանձնաժողովի 18-րդ միջազգային գիտաժողով
Երևան, Հայաստան, հոկտեմբերի 14–17, 2026 թ.
Գիտաժողովի կազմկոմիտեի որոշմամբ զեկուցումների հայտերի ներկայացման վերջնաժամկետը երկարածգվում է մինչև 2026 թվականի հունիսի 28-ը։
Գիտաժողովն անցկացվելու է Ժողովրդական պատումների հետազոտության միջազգային կազմակերպության «Հմայիլների, հմայիլագործների և հմայիլագործության» հանձնաժողովի և «Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտի հետ համագործակցությամբ:
Գիտաժողովը տեղի կունենա Երևանում (Մատենադարան)՝ 2026 թվականի հոկտեմբերի 14–17-ը:
Գիտաժողովը նվիրված է ժապավինաձև հմայիլներին, աղոթքներին և դրանց կիրառման եղանակներին (առանց որևէ աշխարհագրական կամ ժամանակագրական սահմանափակումների):
Գիտաժողովի թեմատիկ ուղղություններն են՝
• Ձեռագիր ժառանգություն
• Տպագիր ժառանգություն
• Մանրանկարչություն
• Պետական և մասնավոր հավաքածուների ժապավինաձև հմայիլներ
Հատուկ բանախոսությամբ կներկայացվի Մատենադարանում պահվող ձեռագիր ժապավինաձև հմայիլների ցուցակը: Գիտաժողովի շրջանակում տեղի կունենա ձեռագիր ժապավինաձև հմայիլների ցուցակի պաշտոնական շնորհանդեսը, ինչպես նաև կբացվի Մատենադարանում պահվող հմայիլներին նվիրված բացառիկ ցուցադրություն:
Գիտաժողովի պաշտոնական լեզուն անգլերենն է: Կապահովվի նաև անգլերենից հայերեն և հայերենից անգլերեն համաժամանակյա թարգմանություն:
20 րոպե տևողությամբ զեկուցումների համար անհրաժեշտ է ներկայացնել.
• Զեկուցման վերնագիր
• Ամփոփագիր (250 բառ)
• Հակիրճ կենսագրական տեղեկություն
Խնդրում ենք հայտերն ուղարկել հետևյալ էլ․ փոստի հասցեին՝
Մասնակցության վճար չկա: Ճանապարհածախսն ու կեցության ծախսերը հոգում են մասնակիցները:
https://isfnr.org/special-committees/committee-on-charms-charmers-and-charming/