![](https://matenadaran.am/wp-content/uploads/2020/08/8A3_72985420_560508701367873_6913138278279413760_n.jpg)
2019թ. նոյեմբերի 8-ին Մաշտոցյան Մատենադարանի և Մեծի Տանն Կիլիկիո կաթողիկոսության Մատենադարանի միջև ստորագրվեց համագործակցության հուշագիր: Հուշագրի ստորագրումը կնպաստի երկու հաստատությունների միջև համագործակցության ամրապնդմանը և զարգացմանը: Հնարավորություն կընձեռի իրականացնել գիտական ծրագրերի համատեղ մշակում և իրագործում, մասնագետների փոխայցելություններ, համատեղ ցուցադրությունների և գիտաժողովների կազմակերպում, ձեռագրերի, վավերագրերի ու տպագիր հազվագյուտ նյութերի թվային պատճենների փոխանակում, հոդվածներով և մատենագրական-պատմական արժեքավոր նյութերի հրապարակումներով փոխադարձ մասնակցություն միմյանց պարբերական հրատարակություններում («Հասկ» և «Բանբեր Մատենադարանի»), ձեռագիր մատյանների և արխիվային նյութերի վերականգնում: