![](https://matenadaran.am/wp-content/uploads/2023/02/332960761_2355556114622579_2007840699565450726_n-1024x1005.jpg)
![](https://matenadaran.am/wp-content/uploads/2023/02/332891974_512775961058905_5549243232613408593_n-1024x683.jpg)
Պաշտոնական այցով Հայաստանի Հանրապետություն ժամանած Իտալիայի մշակույթի նախարար Ջենարո Սանջուլիանոյի գլխավորած պատվիրակությունը փետրվարի 22-ին այցելեց Մաշտոցյան Մատենադարան։ Հյուրերը Մատենադարանի տնօրեն Վահան Տեր-Ղևոնդյանի ուղեկցությամբ շրջայց կատարեցին թանգարանային համալիրում, ծանոթացան հայ միջնադարյան մատենագրությանը։ Պատվիրակությանը ներկայացվեց նաև «Կոստանդին Մեծ և Տրդատ Մեծ. Հայ-հռոմեական դաշինքը պատմության մեջ և պատկերներում» նորաբաց ժամանակավոր ցուցադրությունը։ Ծանոթացան նաև Վերականգնման բաժնի և Ձեռագրապահոցի աշխատանքներին։ Այցի ավարտին նախարարը տպավորությունների գրքում թողեց հետևյալ գրառումը. «Գրքերի շնորհիվ է ճանաչվում և տարածում գտնում մշակույթը։ Գրքերը պատմության վկաներն են, իսկ հայ մշակույթը հին է և հարուստ մշակութային արժեքներով։ Սա մի վայր է, որտեղ պահվում են շատ ավելի խորը արմատներ ունեցող մշակութային կոթողներ»։