![](https://matenadaran.am/wp-content/uploads/2023/09/378271094_698562888965778_2435210066763965563_n-1024x683.jpg)
Մաշտոցյան Մատենադարանի տնօրեն Արա Խզմալյանն այսօր հյուրընկալեց Հայաստանի Հանրապետությունում Սիրիայի Արաբական Հանրապետության արտակարգ և լիազոր դեսպան Նորա Արիսյանին:
Տիկին Արիսյանը շնորհավորեց Արա Խզմալյանին Մատենադարանի տնօրեն ընտրվելու կապակցությամբ: Հանդիպմանը քննարկվեցին Մատենադարանի և Սիրիայի Հանրապետության մշակութային և գիտական հաստատությունների միջև համագործակցության հեռանկարներն արաբատառ ձեռագիր ժառանգության ուսումնասիրման, վերականգնման և հանրահռչակման ոլորտներում։
Արա Խզմալյանը շնորհակալություն հայտնեց այցի և շնորհավորանքի համար, մեծապես կարևորեց նշված բնագավառներում համատեղ ծրագրերի իրականացման անհրաժեշտությունը: Դեսպան Արիսյանը եղավ Մատենադարանի Վերականգնման, Թվայնացման և Արևելագիտության բաժիններում, ծանոթացավ իրականացվող աշխատանքներին։ Նա բարձր գնահատեց Մատենադարանի ներդրումն արաբատառ ձեռագրերի պահպանման կարևոր գործում: