Հոկտեմբերի 26-ին Մատենադարանում կայացավ Թուրքիայի Հայ Կաթողիկե եկեղեցու թեմի առաջնորդ, հայագետ, նարեկացիագետ, փիլիսոփա, պրոֆեսոր գերապայծառ Տ. Պողոս-Լևոն Արքեպիսկոպոս Զեքիյանի դասախոսությունը՝ «Հայ արժէքներու գնահատանքը մեր ընթացիկ պատումներուն մէջ» խորագրով: Այս հանդիսությունն առիթ էր նշելու և շնորհավորելու սրբազան հոր 80ամյակը: Իր հայագիտական հսկայածավալ գործունեության համար Մատենադարանի տնօրեն Արա Խզմալյանը Լևոն Արք. Զեքիյանին շնորհեց Մատենադարանի Մեսրոպ Մաշտոցի անվան հուշամեդալ:
Դասախոսությունն իրագործվեց որպես «Նարեկացիական ընթերցումներ» գիտաժողովի մեկնարկ և նախամուտք, որի շարունակությունը կկայանա 2023 թվականի դեկտեմբերի 5-6-ին՝ նվիրված Հրաչյա Թամրազյանի 70-ամյակին: