ԱՄՆ դեսպանի մշակութային արժեքների պահպանության հիմնադրամը Մատենադարանին է հատկացրել 74,000 ԱՄՆ դոլար՝ Լեռնային Ղարաբաղում գրչագրված ձեռագիր մատյանների և նրա հնագույն պատմությանն առնչվող բացառիկ վավերագրերի վերականգնման ու հանրահռչակման համար։
Ծրագրի շրջանակում ընտրվել են Գանձասարում, Դադիվանքում, Գնդեվանքում, Խադավանքում, Գտչավանքում և հայկական այլ միջնադարյան վանքերում 13-18-րդ դարերում գրված և նկարազարդված այնպիսի ձեռագրեր, եզակի արխիվային վավերագրեր, որոնք լույս են սփռում հայկական հարուստ մշակութային ժառանգության և պատմական անցքերի վրա:
Ծրագրի արդյունքները կներկայացվեն ցուցադրությամբ և պատկերագրքի հրատարակմամբ։
![](https://matenadaran.am/wp-content/uploads/2024/08/456143151_913021047519960_259738075735547646_n-1024x686.jpg)
![](https://matenadaran.am/wp-content/uploads/2024/08/456251308_913021007519964_1364952383270657283_n-869x1024.jpg)