Քառօրյա դասընթացի շրջանակում մասնագետները սյունեցի աշակերտներին են ներկայացրել Մատենադարանի պատմությունը, ցուցադրությունը, ձեռագրերի ընդօրինակման, նկարազարդման և վերականգնման արվեստը։ Վարպետաց դասերի ընթացքում ձեռագրի մանրակերտի վրա երեխաներն ուսումնասիրել են մատյանների կազմման, վերականգնման գաղտնիքները, գրել են եղեգնյա գրչով և վերականգնման բաժնի մասնագետի հետ սովորել են ճիշտ վերականգնել գրքերի վնասված թերթերը։
Ծրագրի նպատակներից է սահմանամերձ բնակավայրերի դպրոցականների մոտ հետաքրքրություն ու սեր առաջացնել հայկական միջնադարյան մշակույթի հանդեպ։
