«Այգ է բացվում. Մատենադարանի այգու տեսլականը» ցուցադրության շրջանակում տեղի է ունեցել կրթական ծրագիր 10-14 տարեկան երեխաների համար:
«Երևակայենք այգու կենսապատկերը» կրթական ծրագրի ընթացքում երեխաները ծանոթացել են ցուցադրությանը և հավաքական աշխատանքների միջոցով մոտեցել այգու կենսապատկերին` քարտեզագրելով, ստեղծագործելով և քննարկելով թե Armenia Tree Project-ի տնկարաններում աճող ի՞նչ բուսատեսակներ կարելի է տնկել այգու լանջային միջավայրում, ի՞նչ դարավանդային ճեմուղիներով այն կկառուցվի և ի՞նչ կապեր կլինեն Երևան քաղաքի, թանգարանի, միջնադարյան ձեռագրական ժառանգության և այգու միջև Մատենադարանի մեծ ու փոքր այցելուների համար։
