![](https://matenadaran.am/wp-content/uploads/2021/10/raya-683x1024.jpg)
Հոկտեմբերի 29-ին տեղի ունեցավ Մատենադարանի Հայագիտական գրադարանի վարիչ Ռայա Բլբուլյանի մեծարման ցերեկույթ: Բացման խոսքով հանդես եկավ Մատենադարանի տնօրեն Վահան Տեր-Ղևոնդյանը, ապա ելույթ ունեցավ ՀՀ ԿԳՄՍ փոխնախարար Արա Խզմալյանը: Վերջինս տիկին Բլբուլյանին հանձնեց ԿԳՄՍՆ ոսկե մեդալ գրադարանային ոլորտում ունեցած նշանակալի ավանդի և երկարամյա բարեխիղճ աշխատանքային գործունեության համար:Ռայա Բլբուլյանը Մատենադարանում աշխատանքի է անցել 1957թ.: 1978թ. ցայսօր նա Մաշտոցյան Մատենադարանի Հայագիտական գրադարանի վարիչն է: Անցած ավելի քան 60 տարիների ընթացքոում Մատենադարանի գրադարանը հարստացել է մեկ տասնյակ անհատական հավաքածուներով, բազմաթիվ հնատիպ գրքերով, արժեքավոր մենագրություններով և մատենաշարերով, մեծապես համալրվել է մամուլի հավաքածուն։ Այսօր Մատենադարանի գրադարանը (120.000-ից ավելի միավոր) լավագույններից մեկն է հանրապետությունում, և դրանում շատ մեծ է տիկին Ռայա Բլբուլյանի ներդրումը։
![](https://matenadaran.am/wp-content/uploads/2021/10/251034861_1058716051547133_1289839751465909404_n-1024x683.jpg)
![](https://matenadaran.am/wp-content/uploads/2021/10/251529791_1058714881547250_4558631078597805143_n-1024x683.jpg)
![](https://matenadaran.am/wp-content/uploads/2021/10/250925066_1058714804880591_2760511203875247851_n-683x1024.jpg)
![](https://matenadaran.am/wp-content/uploads/2021/10/250927009_1058716211547117_798272083020250790_n-1024x683.jpg)