![](https://matenadaran.am/wp-content/uploads/2023/01/325512246_1907692712917772_6437392976102918385_n-1024x683.jpg)
Հունվարի 12-ին Մաշտոցյան Մատենադարանում տեղի ունեցավ «Ատենագրութիւն քաղաքական ժողովոյ Ատանայի» հատորի շնորհանդեսը։
Գիրքը կազմվել է Մեծի Տանն Կիլիկիոյ Կաթողիկոսության և Մատենադարանի համատեղ ուժերով։
Մատենադարանի աշխատակիցներ Արմեն Մալխասյանի, Անահիտ Աստոյանի, Անի Ավետիսյանի, Սիրանուշ Ֆահրադյանի և Լալա Դավթյանի աշխատասիրությամբ պատրաստված այս հատորը ընդգրկում է 1905 թ. մարտի 2-ից մինչև 1915 թ. ապրիլի 10-ն ընկած ժամանակահատվածի Ադանայի քաղաքական ժողովի ատենագրությունները, որոնք Ադանայի Հայոց Թեմի առաջնորդության հովանու ներքո ապրող բնակչության ազգային կյանքն արտացոլող և տեղի հայության ժողովրդավարության մակարդակի մասին վկայող բացառիկ փաստագրեր են։ Գիրքը պարունակում է նաև Կրոնական Ժողովի ու Տնտեսական Խորհրդի խառը նիստերի ատենագրություններ։ Հատորը Մեծի Տանն Կիլիկիո Կաթողիկոսության և Մատենադարանի այս նյութի վերաբերյալ առաջին համատեղ հրատարակությունն է: Գիրքը լույս է տեսել «Փյունիկ» Համահայկական Հիմնադրամի աջակցությամբ։
![](https://matenadaran.am/wp-content/uploads/2023/01/325715521_843941726681905_1363398555558715277_n-1-1024x770.jpg)
![](https://matenadaran.am/wp-content/uploads/2023/01/325431006_5698840400234728_5376970846829501562_n-1-1024x985.jpg)
![](https://matenadaran.am/wp-content/uploads/2023/01/325566979_5960892070620618_5300411303829510630_n-1024x743.jpg)
![](https://matenadaran.am/wp-content/uploads/2023/01/325412965_485944970339150_1665029933993130056_n-1024x751.jpg)