![](https://matenadaran.am/wp-content/uploads/2024/02/422651169_789858333169566_4426993615904077246_n-1024x912.jpg)
Գործարար, բարերար Վահե Բադալյանը Մատենադարանին է նվիրաբերել ձեռագիր մատյանների կազմերի եռաչափ ձևաչափով սքանավորման սարք, որի շնորհիվ էապես մեծանալու է ձեռագրերի կազմերի ուսումնասիրման, առանձնահատկությունների որոշարկման, ինչպես նաև հավանական վնասվածքների բացահայտման հնարավորությունը։
Սքանավորման արդյունքները նպաստելու են նաև Մատենադարանի ձեռնարկատիրական գործունեության զարգացմանը։
Նորագույն սարքի կիրառումն աննախադեպ է ոչ միայն Մատենադարանի ձեռագրերի կազմերի ուսումնասիրման ոլորտում, այլև լայն հնարավորություն է ընձեռելու թանգարանային առարկաների սքանավորման և ուսումնասիրման համար։
Մատենադարանի տնօրեն Արա Խզմալյանը՝ շնորհակալություն հայտնելով բարերարին և շնորհավորելով գործընկերներին՝ կարևորել է Մատենադարանի և մասնավոր հատվածի համագործակցության խորացման շարունակականությունը։
Շնորհանդեսին ձեռագիր մատյանների կազմարարության պատմությանն է անդրադարձել Մատենադարանի Արխիվի և արխիվագիտության բաժնի վարիչ Արմեն Մալխասյանը:
Ժամանակակից տեխնոլոգիաների ներդրումն իր խոսքում կարևորել է նաև նորագույն տեխնոլոգիաների և հրատարակչական հարցերի գծով տնօրենի խորհրդական Գուրգեն Գասպարյանը:
![](https://matenadaran.am/wp-content/uploads/2024/02/424610819_789899906498742_4336156311319546092_n-1024x772.jpg)
![](https://matenadaran.am/wp-content/uploads/2024/02/424977408_789899893165410_8737776116974105788_n-1024x781.jpg)
![](https://matenadaran.am/wp-content/uploads/2024/02/424589355_789857639836302_5587078331765254763_n.jpg)
![](https://matenadaran.am/wp-content/uploads/2024/02/422083591_789856696503063_3605356472729286534_n.jpg)