ՀՀ Նախագահ Վահագն Խաչատուրյանը Հայագիտական միջազգային կոնգրեսի մասնակիցներ Օքսֆորդի համալսարանի պրոֆեսոր Թեո Մաարտեն վան Լինտին և Բոլոնիայի համալսարանի դոցենտ Աննա Սիրինյանին պարգևատրել է «Մովսես Խորենացի» մեդալով՝ հայագիտության զարգացման գործում ներդրած նշանակալի ավանդի և երկարամյա արգասաբեր գործունեության համար։
Հայագիտական միջազգային կոնգրեսի շրջանակում «1 տարվա Հավերժությունը-Բ․ Մատենադարանի ձեռագրական համալրումները» խորագրով ցուցադրության բացման արարողությունը նշանավորվեց «Վիվա Արմենիա» ընկերության՝ 17-րդ դարի մեծարժեք Ավետարանի ընծայաբերմամբ: Հիշատակարանում Ավետարանն օժտված է «փրկագործ» մականվամբ։ Ամբողջական մագաղաթե ձեռագիրը Վասպուրականի, մասնավորապես՝ Լիմ անապատի կորսված ձեռագրերից է։ Մատյանը դեռևս 20-րդ դարասկզբին նկարագրել է Երվանդ Լալայանը, և ավելի քան մեկ դար հետո Ավետարանը հանգրվանում
