Ամիսների արխիվ.Դեկտեմբերի 2025

ՇՆՈՐՀԱՎՈՐ ԱՄԱՆՈՐ ԵՎ ՍՈՒՐԲ ԾՆՈՒՆԴ

Մեսրոպ Մաշտոցի անվ. Մատենադարանի հարգելի աշխատակիցներ, սիրելի գործընկերներ, ամփոփում ենք 2025 թվականը, որ հաստատապես եղավ մեր համատեղ ջանքերով նվաճած արդյուքների, բարեփոխումների շարունակականության ու ենթակառուցվածքների արդիականացման, արտաքին հարաբերությունների հագեցած օրակարգի ու միջազգային վերադիրքավորման տարի: Բավական է նշել, որ կրկնապատկվել է միջազգային գիտատեղեկատվական շտեմարաններում հրապարակումների թիվը, ունեցել ենք յոթ տասնյակ մասնակցություն արտասահմանյան միջազգային գիտաժողովներին, և, մյուս կողմից,

Կարդալ ավելին …

ԼՈՒՅՍ Է ՏԵՍԵԼ «ՏՆԿԱԲԱՆՈՒԹԻՒՆ ԿԱՄ ՓՂՈՐԱՅ ՀԱՅԱՍՏԱՆԻ» ԴԵՂԱԲՈՒՍԱԿԸ» ԳԻՐՔԸ

Մատենադարանի հրատարակչությունը «ՋԵՅ ԹԻ ԱՅ ԱՐՄԵՆԻԱ» ՓԲԸ-ի աջակցությամբ լույս է ընծայել Մատենադարանի ավագ գիտաշխատող, բժշկական գիտությունների դոկտոր Ստելլա Վարդանյանի և Կարինե Մարջանյանի «Ստեփանոս Շահրիմանյանի «Տնկաբանութիւն կամ Փղորայ Հայաստանի» դեղաբուսակը» գիրքը։ Այն ներկայացնում է տարածաշրջանի առաջին ֆլորիստիկական գործի՝ Հայաստանի 800 դեղաբույսերի նկարագրություն պարունակող դեղաբուսակին նվիրված ուսումնասիրությունը։ Բժիշկ ու բուսաբան Ստեփանոս Շահրիմանյանի «Տնկաբանութիւն կամ Փղորայ Հայաստանի» դեղաբուսակը

Կարդալ ավելին …

ՄԱՏԵՆԱԴԱՐԱՆՈՒՄ ՏԵՂԻ Է ՈՒՆԵՑԵԼ «ԼՈՒՍԱԲԵՐ ՊԱՏԿԵՐՆԵՐ. ՀՐԵՇՏԱԿՆԵՐԻ ՄԱՆՐԱՆԿԱՐՉԱԿԱՆ ՀԱՅՏՆՈՒԹՅՈՒՆԸ» ԽՈՐԱԳՐՈՎ ՑՈՒՑԱԴՐՈՒԹՅԱՆ ԲԱՑՈՒՄԸ

Ցուցադրության շրջանակում ներկայացված են ձեռագիր մատյաններ, արխիվային փաստաթղթեր, հնատիպ գրքեր, ժապավինաձև հմայիլներ և ինքնատիպ ձեռագրակազմեր։ Ցուցանմուշների գաղափարական և պատկերագրական առանցքում հրեշտակների կերպարն է, որը ներկայացված է ինչպես կանոնիկ, այնպես էլ հազվադեպ հանդիպող պատկերագրական լուծումներով:

ՄԱՏԵՆԱԴԱՐԱՆ Է ԱՅՑԵԼԵԼ ՀԱՅԱՍՏԱՆԻ ԱՆՎՏԱՆԳՈՒԹՅԱՆ ԽՈՐՀՐԴԻ ՔԱՐՏՈՒՂԱՐ ԱՐՄԵՆ ԳՐԻԳՈՐՅԱՆԸ

Արմեն Գրիգորյանը հիմնական և ժամանակավոր ցուցադրություններին ծանոթանալուց զատ՝ ծանոթացել է նաև անվտանգային և վերականգնման ենթակառուցվածքներին, այցելել է ձեռագրերի կենսաքիմիական հետազոտությունների լաբորատորիա: Անվտանգության խորհրդի քարտուղարը մեծապես կարևորել է Մատենադարանի հավաքածուների համաքրիստոնեական նշանակությունը և կառույցի առաքելությունը այդ արժեքների միջազգայնացման գործում:

ՄԱՏԵՆԱԴԱՐԱՆԻ ՏՆՕՐԵՆԻ ԳԻՏԱԿԱՆ ԳԾՈՎ ՏԵՂԱԿԱԼ ՎԱՀԵ ԹՈՐՈՍՅԱՆԸ ԱՅՑԵԼԵԼ Է ԿՐԱԿՈՎԻ ՅԱԳԵԼՈՆՅԱՆ ՀԱՄԱԼՍԱՐԱՆ, ՀԱՆԴԻՊԵԼ ԿՐԹԱԿԱՆ ԳԾՈՎ ՊՐՈՌԵԿՏՈՐ, ՊՐՈՖԵՍՈՐ ՊԱՎԵԼ ԼԵՅԴԼԵԻ ՀԵՏ

2025թ. դեկտեմբերի 11-ին տեղի ունեցած հանդիպմանը մասնակցել են Լեհաստանի Հանրապետությունում ՀՀ պատվո հյուպատոս Հրաչյա Բոյաջյանը, Յագելոնյան համալսարանի պատմության ֆակուլտետի դեկան, պրոֆեսոր Ստանիսլավ Սրոկան, համալսարանի թանգարանի տնօրեն, պրոֆեսոր Քշիշտոֆ Ստոպկան, Պտամության ինստիտուտի տնօրեն, պրոֆեսոր Պավել Միեժվան և նույն ինստիտուտի գիտաշխատող Տոմաշ Կշիժովսկին։ Հանդիպմանը մեծապես կարևորվել է Մատենադարանի և Յագելոնյան համալսարանի միջև համագործակցության հաստատման անհարժեշտությունը։ Ընդգծվել է

Կարդալ ավելին …

ԱՄՓՈՓՎԵԼ Է ՀՀ ԿԳՄՍ ՆԱԽԱՐԱՐ ԺԱՆՆԱ ԱՆԴՐԵԱՍՅԱՆԻ ԳԼԽԱՎՈՐԱԾ ՊԱՏՎԻՐԱԿՈՒԹՅԱՆ ԱՅՑԸ ԼԵՀԱՍՏԱՆԻ ՀԱՆՐԱՊԵՏՈՒԹՅՈՒՆ

Մատենադարանի տնօրենը այցելել է Լեհաստանի ազգային գրադարան՝ ծանոթացել ցուցադրություններին, որտեղ ներկայացված է նաև Սկևռայի հռչակավոր Ավետարանը: Արա Խզմալյանը գրադարանի տնօրենին հրավիրել է մասնակցելու գարնանը կայանալիք «Հիշողության կերպարանքները» գիտագործնական սեմինարին:

ՄԱՏԵՆԱԴԱՐԱՆԻ ՀՐԱՏԱՐԱԿՉՈՒԹՅՈՒՆԸ, ՀՀ ԿԳՄՍ ՆԱԽԱՐԱՐՈՒԹՅԱՆ ԴՐԱՄԱՇՆՈՐՀՈՎ ՀՐԱՏԱՐԱԿՈՒԹՅԱՆ Է ՊԱՏՐԱՍՏԵԼ THE ART OF ARMENIAN MANUSCRIPT PAINTING («ՀԱՅԿԱԿԱՆ ՁԵՌԱԳՐԵՐԻ ՄԱՆՐԱՆԿԱՐՉԱԿԱՆ ԱՐՎԵՍՏԸ») ԱՆԳԼԻԱԼԵԶՈՒ ՊԱՏԿԵՐԱԳԻՐՔԸ

Հարվարդի համալսարանի պրոֆեսոր Քրիստինա Մարանցիի և Մատենադարանի ավագ գիտաշխատող Լուսինե Սարգսյանի կազմած “The Art of Armenian Manuscript Painting” պատկերագրքում ընդգրկվել են հայ միջնադարյան մանրանկարչության 6-17-րդ դարերում ստեղծված լավագույն նմուշների բարձրորակ թվային տարբերակները՝ նորովի և ժամանակակից ձևավորմամբ: Ընտրված մանրանկարները արտացոլում են հայկական մանրանկարչության ձևավորումը, զարգացման հիմնական ընթացքն ու ձեռագրաստեղծման աշխարհագրությունը։ Ներկայացվում են ձեռագիր մատյաններ, որոնք ստեղծվել

Կարդալ ավելին …

ԲՆՈՒԹՅՈՒՆԸ՝ ԳՐԱՎՈՐ ԺԱՌԱՆԳՈՒԹՅԱՆ ՊԱՀՊԱՆՈՒԹՅԱՆ ԵՐԱՇԽԱՎՈՐ. ՇԱՐՈՒՆԱԿՎՈՒՄ Է ՄԱՏԵՆԱԴԱՐԱՆԻ ՀԱՄԱԳՈՐԾԱԿՑՈՒԹՅՈՒՆԸ ARMENIA TREE PROJECT ԿԱԶՄԱԿԵՐՊՈՒԹՅԱՆ ՀԵՏ

Դեռևս 2025 թ. մայիսի 22-ին բացված հայկական վերականգնողական թղթի արտադրամաս-լաբորատորիան ոչ միայն ընդլայնում է արտադրության ծավալները և կիրառման ոլորտները, այլև՝ անհրաժեշտ հումքի համար նախատեսված տնկարանները։ ATP-ն շարունակում է իր առաքելությունը այս աշխատանքներում՝ շուրջ 500 քմ հողակտորում նոր ծառեր տնկելով։ Ծառատունկը տեղի է ունեցել 2025 թ. նոյեմբերի 28-ին, Չիվայի տնկարանում՝ Մատենադարանի ղեկավար կազմի և աշխատակիցների մասնակցությամբ։

Կարդալ ավելին …

«ՔՐԻՍՏՈՆԵՈՒԹՅԱՆ ԴՐՍԵՎՈՐՈՒՄՆԵՐԸ ՏԱՐԲԵՐ ՄՇԱԿՈՒՅԹՆԵՐՈՒՄ ԵՎ ԴՐԱՆՑ ՓՈԽՀԱՐԱԲԵՐՈՒԹՅՈՒՆՆԵՐՆ ՈՒ ՓՈԽԱԶԴԵՑՈՒԹՅՈՒՆՆԵՐԸ. 100-1500 ԹԹ.» ԽՈՐԱԳՐՈՎ ԳԻՏԱԺՈՂՈՎ

Մատենադարանի Ձեռագրագիտության բաժնի կրտսեր գիտաշխատող Տաթևիկ Ստեփանյանը 2025 թ. նոյեմբերի 24-26-ը Կրետեի Օրթոդոքս ակադեմիայում մասնակցել է «Քրիստոնեության դրսևորումները տարբեր մշակույթներում և դրանց փոխհարաբերություններն ու փոխազդեցությունները. 100-1500 թթ.» խորագրով գիտաժողովին: Հանդես է եկել «3-4-րդ դարերի համաքրիստոնեական վկաները հայկական Հայսմավուրքներում. ազգայի՞ն, թե՞ քրիստոնեական պատկանելություն» խորագրով զեկուցմամբ: Տ․ Ստեփանյանի մասնակցությունը հովանավորել է Հայագիտական ուսումնասիրությունների և հետազոտությունների ազգային ընկերակցությունը:

«ՄԻՋՆԱԴԱՐՅԱՆ ԵԿԵՂԵՑՈՒ ԳՐՔԵՐԸ, ԵՐԱԺՇՏՈՒԹՅՈՒՆԸ և ԾԻՍԱԿԱՆ ԿՅԱՆՔԸ» ԽՈՐԱԳՐՈՎ ՄԻՋԱԶԳԱՅԻՆ ԳԻՏԱԺՈՂՈՎ

Մատենադարանի 5-14-րդ դարերի հայերեն բնագրերի ուսումնասիրման և Ձեռագրագիտության բաժնի ավագ գիտաշխատող Արմինե Մելքոնյանը 2025 թ. նոյեմբերի 12-14-ը Հելսինկիի համալսարանում և Ֆինլանդիայի ազգային գրադարանում մասնակցել է «Միջնադարյան եկեղեցու գրքերը, երաժշտությունը և ծիսական կյանքը» խորագրով միջազգային գիտաժողովին: Ա․ Մելքոնյանը հանդես է եկել «Հայ միջնադարյան ծիսամատյանների պատվիրատուները» խորագրով զեկուցմամբ: Ա․ Մելքոնյանի մասնակցությունը հովանավորվել է Հ․ Հովնանյան ընտանեկան հիմնադրամի

Կարդալ ավելին …