![](https://matenadaran.am/wp-content/uploads/2024/02/417476612_800436972111702_448194613457084022_n-1024x683.jpg)
Մատենադարանի պատվիրակության Լիբանան կատարած այցի շրջանակում հանդիպում է տեղի ունեցել Զմմառի Պատրիարքական Կղերի Միաբանության Մեծավոր, Պատրիարքական փոխանորդ, Գերապայծառ Տեր Գեւորգ Թ.Ծ.Վ. Նորատունկյանի, Զմմառի վանքի թանգարանի և մատենադարանի պատաախանատու Գեր. Պետրոս վարդապետ Մարաշլյանի և միաբանների հետ։
Կազմակերպվել է շրջայց Զմմառի վանքի ձեռագրապահոցում, թանգարանում, ներկայացվել է հնատիպ գրքերի հավաքածուն և վերականգնման արհեստանոցը։
Ստորագրվել է համագործակցության հուշագիր և քննարկվել սահմանված համատեղ միջոցառումների բովանդակությունը։ Հուշագրով մասնավորապես նախատեսվում է համագործակցության ընդլայնում գիտահետազոտական, գիտացուցադրական և վերականգնման ոլորտներում։
Մատենադարանի նախաձեռնությամբ Միաբանության վերականգնողներն աշնանը կվերապատրաստվեն Մատենադարանում։
Հանդիպմանը մասնակցել են Մեծի Տանն Կիլիկիո Կաթողիկոսության մատենադարանապետ Գերաշնորհ Տեր Շահան Ս. արքեպիսկոպոս Սարգիսյանը, Լիբանանում ՀՀ դեսպան Վահագն Աթաբեկյանը և Մեծի Տանն Կիլիկիո Կաթողիկոսության արխիվատան տեսուչ Հոգեշնորհ Հայր Վիգեն վարդապետ Տալգըլըճյանը։
![](https://matenadaran.am/wp-content/uploads/2024/02/417480995_800435888778477_8749618936565321732_n-1024x683.jpg)