Թեմատիկ ընդգրկումը՝
· Ձեռագրագիտություն
· Արվեստ
· Գրականություն
Գիտաժողովի աշխատանքային լեզուներն են՝ հայերեն, պարսկերեն և անգլերեն:
Մասնակցել ցանկացողներին խնդրում ենք մինչև 2024 թ.-ի հունվարի 15-ը [email protected] հասցեին ուղարկել կից ներկայացվող գրանցման ձևաչափը և համառոտ կենսագրականը:
Ընդունված թեկնածուները հաստատման նամակ կստանան մինչև 2024 թ. փետրվարի 1-ը, որից հետո՝ մինչև 2024 թ. փետրվարի 20-ը, նրանք պետք է ուղարկեն թեզիսի ավելի ընդարձակ տարբերակն անգլերենով (200-300 բառի սամաններում):
Զեկուցումների համար նախատեսված է 20 րոպե ժամանակ:
Գիտաժողովի շրջանակում նախատեսվում են նաև դասախոսություններ, երաժշտական համարներ, ֆիլմի դիտում, մշակութային ծրագիր:
Գիտաժողովը նվիրված է իրանահայ նկարիչ Անդրե Սևրուգյանի ծննդյան 130-ամյակին (1894, Թեհրան-1996, Շտուտգարտ):
Սևրուգյանը պատկանում է 20-րդ դարակեսի այն գեղանկարիչների շարքին, որոնք նորարարություն բերեցին պարսկական կերպարվեստ: Նրա գեղանկարների թեմաները հիմնականում վերցված են Ֆիրդուսու, Խայամի, Հաֆեզի, Բաբա Թահերի, Սայաթ-Նովայի բանաստեղծական գործերից, որոնցում արտահայտվել են համամարդկային և մարդասիրական գաղափարներ: Նա թողել է պարսկական գրականությունն ու մշակույթը պատկերող գեղանկարների և մանրանկարների պատմական նշանակալի ժառանգություն: Նրա ստեղծագործությունները Արևելքի և Արևմուտքի արվեստի ինքնատիպ համաձուլվածք են: