![](https://matenadaran.am/wp-content/uploads/2024/04/435016824_827557736066292_4599743444004225217_n-768x1024.jpg)
Մատենադարանի պատվիրակության՝ Իտալիա այցի առանցքային նպատակներից է խոշոր գիտակրթական հաստատությունների հետ կապերի ամրապնդումն ու զարգացումը բնագրագիտության և միջնադարագիտության ոլորտներում։
Ապրիլի 8-9-ը պատվիրակությունը քննարկումներ է ունեցել Բոլոնիայի համալսարանի հայագիտության պրոֆեսոր Աննա Շիրինյանի, Եվրոպայում խոշորագույն՝ Լա Սապիենցա համալսարանի Դասական բանասիրության ֆակուլտետի ղեկավար Ջիորջիո Պիրասի և հայագիտության պրոֆեսոր Մարկո Բաիսի, Քահանայապետական արևելյան ինստիտուտի ռեկտոր հայր Դավիթ Նազարի հետ։ Քննարկվել են մասնագիտական փոխանակումների, համատեղ հրատարակությունների, երիտասարդական ամառային դպրոցների կազմակերպման, Մատենադարանի ձեռագրական ժառանգության համատեղ ուսումնասիրման և միջազգայնացման ձևաչափերն ու ժամանակացույցը։
Տնօրենությունը փոխանցել է հուլիսի 19-22-ը կայանալիք Միջազգային հայագիտական կոնգրեսի մասնակցության պաշտոնական հրավերները, որի շրջանակում էլ կմեկնարկի պայմանավորվածությունների գործնական իրականացումը։
Պապական արևելյան ինստիտուտի ղեկավարության հետ հանդիպմանը ներկա է եղել նաև Արևմտյան Եվրոպայի Հայրապետական պատվիրակ և Սուրբ Աթոռում Հայ Առաքելական Սուրբ Եկեղեցու ներկայացուցիչ Գերաշնորհ Տեր Խաժակ արքեպիսկոպոս Պարսամյանը։
![](https://matenadaran.am/wp-content/uploads/2024/04/435096104_827557669399632_2105346865094363637_n-1024x665.jpg)
![](https://matenadaran.am/wp-content/uploads/2024/04/435132811_827557562732976_4804718294156380287_n.jpg)
![](https://matenadaran.am/wp-content/uploads/2024/04/435159175_827557536066312_1897938930514115616_n-768x1024.jpg)
![](https://matenadaran.am/wp-content/uploads/2024/04/435003042_827557762732956_6775374187415563483_n-768x1024.jpg)