Մատենադարանը և ՌԴ ԳԱ Համաշխարհային գրականության ինստիտուտը կազմակերպում են «Բնագիր և մեկնություն․ անտիկ և միջնադարյան բնագրերի մեկնաբանության խնդիրներ» թեմայով չորրորդ միջազգային գիտաժողովը: Զեկուցումները կարող են վերաբերել հին ու միջնադարյան բնագրերի կամ դրանց առանձին հատվածների մեկնությանը՝ բնագրագիտական, հնագրագիտական, լեզվաբանական, պատմագիտական, գրականագիտական և փիլիսոփայական տեսանկյուններից, ինչպես նաև դարավոր մեկնողական ավանդույթի քննությանը:
Գիտաժողովի լեզուներն են անգլերենը և ռուսերենը: Խնդրում ենք հայտերը լրացնել ըստ կից ներկայացված ձևանմուշի և մինչև օգոստոսի 15-ն ուղարկել նշված էլեկտրոնային հասցեով: Գիտաժողովը տեղի կունենա Մատենադարանում 2025 թ․ նոյեմբերի 4–6-ը։
Տե՛ս մասնակցության ձևաթերթիկը: