Անվանակարգ.Այցելություններ

ԻԻՀ դեսպանատան մշակույթի խորհրդական Սեյյեդ Հոսեյն Թաբաթաբային այցելեց Մատենադարան

Մարտի 17-ին Մաշտոցյան Մատենադարան այցելեց Հայաստանի Հանրապետությունում Իրանի Իսլամական Հանրապետության դեսպանատան մշակույթի խորհրդական Սեյյեդ Հոսեյն Թաբաթաբային։ Հանդիպում կայացավ Մատենադարանի տնօրեն Վահան Տեր-Ղևոնդյանի, միջազգային կապերի բաժնի վարիչ Վարդի Քեշիշյանի և արևելագիտության բաժնի գիտաշխատողների հետ։ Քննարկվեցին գիտական, գիտատեխնիկական ու մշակութային համագործակցության մի շարք հարցեր։ Սեյյեդ Հոսեյն Թաբաթաբային այցի վերջում եղավ թանգարանային մասնաշենքում, նաև ծանոթացավ Արցախի ձեռագրական ժառանգությանը։

Բեռնար Քուշների այցը Մատենադարան

Փետրվարի 27-ին Նոբելյան մրցանակի դափնեկիր «Բժիշկներ առանց սահմանների» կազմակերպության համահիմնադիր, բժիշկ, Ֆրանսիայի նախկին արտգործնախարար (2007-2010թթ.), «Ավրորա» մրցանակի ընտրող հանձնաժողովի անդամ Բեռնար Քուշները այցելեց Մաշտոցյան Մատենադարան: Այցի ընթացքում Քուշներին ուղեկցում էին «Միջազգային համերաշխություն» (Solidarités International) կազմակերպության հիմնադիր Ալան Բուանեն, Ֆրանսիացի հետազոտողների միության (Société des Explorateurs Français) նախկին նախագահ Պատրիս Ֆրանսեսկին և «Ավրորա» մարդասիրական նախաձեռնության գործադիր տնօրեն

Կարդալ ավելին …

Թոմաշ Լեխ Բուչեկի այցը Մատենադարան

Փետրվարի 25-ին լեհ քաղաքական գործիչ Թոմաշ Լեխ Բուչեկը փաստաբան Բաբկեն Խանզադյանի ուղեկցությամբ այցելեց Մաշտոցյան Մատենադարան: Բուչեկը «Ադրբեջանական ռազմական հանցավոր գործողություններ՝ Արցախ 2020» աշխատության հեղինակն է, ով բազմիցս անդրադարձել և խստորեն դատապարտել է հայերի դեմ ադրբեջանական վայրագությունները:Հյուրերը Մատենադարանի տնօրեն Վահան Տեր-Ղևոնդյանի ուղեկցությամբ շրջայց կատարեցին թանգարանային համալիրում, ծանոթացան նաև Արցախի ձեռագրական ժառանգությանը:

Շառլ Պերսոնազի գլխավորած պատվիրակությունը այցելեց Մատենադարան

Փետրվարի 2-ին Մաշտոցյան Մատենադարան այցելեց Ֆրանսիայի Մշակույթի նախարարության ենթակայությամբ գործող Ժառանգության ազգային ինստիտուտի (ԺԱԻ) տնօրեն Շառլ Պերսոնազի գլխավորած պատվիրակությունը: Հյուրերը շրջայց կատարեցին թանգարանային համալիրում, ծանոթացան հայ ձեռագրական ժառանգությանը: Այցի շրջանակներում եղան նաև Մատենադարանի վերականգնման բաժնում, ծանոթացան ձեռագրերի վերականգնման աշխատանքերին: Շրջայցի ավարտին պատվիրակությունը Մատենադարանի տնօրեն Վահան Տեր-Ղևոնդյանի հետ քննարկեց գիտական ու գիտատեխնիկական համագործակցության ծրագրեր:

Իրանի ԱԳ նախարարի տիկնոջ այցը Մաշտոցյան Մատենադարան

Հունվարի 27-ին ՀՀ ԱԳՆ նախարարի տիկին Գայանե Մոկացյանի ուղեկցությամբ Մաշտոցյան Մատենադարան այցելեց Իրանի Իսլամական Հանրապետության ԱԳՆ տիկին Մարիամ Իմանիեի գլխավորած պատվիրակությունը։ Հյուրերը՝ Մատենադարանի տնօրեն Վահան Տեր-Ղևոնդյանի ուղեկցությամբ շրջայց կատարեցին թանգարանային համալիրում, ծանոթացան Արցախի ձեռագրական ժառանգությանը։Արվեստաբան Իվեթ Թաջարյանը ներկայացրեց Մատենադարանում պահվող պարսկական ձեռագրերը և իրանահայ հայր ու որդի արվեստագետներ լուսանկարիչ Անթուան Սևրուգինի և գեղանկարիչ Անդրե Սևրուգյանի

Կարդալ ավելին …

Մոլդովայի Հանրապետության խորհրդարանի նախագահի այցը Մաշտոցյան Մատենադարան

Պաշտոնական այցով Հայաստան ժամանած Մոլդովայի Հանրապետության խորհրդարանի նախագահ Զինաիդա Գրեչանիի գլխավորած պատվիրակությունը փետրվարի 25-ին այցելեց Մաշտոցյան Մատենադարան։ Հյուրերին դիմավորեց Մատենադարանի տնօրեն Վահան Տեր-Ղևոնդյանը: Հյուրերը շրջայց կատարեցին Մատենադարանի թանգարանային համալիրում: Այցի ավարտին Զինաիդա Գրեչանին և պատվիրակության անդամները նշեցին, որ խորապես տպավորված են հայ ձեռագրական հարուստ մշակույթով։

Դարիգա Նազարբաևայի այցը Մատենադարան

Պաշտոնական այցով Երևան ժամանած Ղազախստանի խորհրդարանի Սենատի նախագահ Դարիգա Նազարբաևայի գլխավորած պատվիրակությունը նոյեմբերի 15-ին ՀՀ նախագահի տիկնոջ՝ Նունե Սարգսյանի ուղեկցությամբ այցելեց Մաշտոցյան Մատենադարան: Հյուրերին դիմավորեցին Մատենադարանի գիտական գծով փոխտնօրեն Կարեն Մաթևոսյանը և գիտնական քարտուղար Վահեն Թորոսյանը: Պաշտոնյաները շրջայց կատարեցին Մատենադարանի թանգարանային համալիրում: Այցի ավարտին Դարիգա Նազարբաևան և պատվիրակության անդամները շնորհակալություն հայտնելով, նշեցին, որ խորապես տպավորված

Կարդալ ավելին …

ՍԵՐԳԵՅ ԼԱՎՐՈՎԸ ՄԱՇՏՈՑՅԱՆ ՄԱՏԵՆԱԴԱՐԱՆՈՒՄ

Նոյեմբերի  11-ին պաշտոնական այցելությամբ Հայաստան ժամանած Ռուսաստանի ԱԳ նախարար Սերգեյ Լավրովը  Մաշտոցյան Մատենադարանի դահլիճում մասնակցեց Հայաստանի Դիվանագիտական դպրոցի նախաձեռնությամբ  հրավիրված զրույց-քննարկմանը, որին ներկա էին Դիվանագիտական դպրոցի սաները և Հայաստանի տարբեր բուհերի ուսանողներ: Ռուսաստանի ԱԳ նախարարին դիմավորեցին Դիվանագիտական դպրոցի տնօրեն Վահե Գաբրիելյանը և Մատենադարանի տնօրեն Վահան Տեր-Ղևոնդյանը: Այցի ավարտին  պաշտոնյային փոխանցվեց Մատենադարանի հրատարակած պատկերագրքերը:

ՌՈՒՄԻՆԻԱՅԻ ԱՐՔԱՅԱԶՆԻ ԱՅՑԸ ՄԱՇՏՈՑՅԱՆ ՄԱՏԵՆԱԴԱՐԱՆ

2019 թ. հոկտեմբերի 29-ին Ռումինիայում Հայաստանի արտակարգ և լիազոր դեսպան Սերգեյ Մինասյանի և ՀՀ-ում Ռումինիայի արտակարգ և լիազոր դեսպան Կորնել Իոնեսկուիի ուղեկցությամբ Մաշտոցյան Մատենադարան այցելեց Ռումինիայի արքայազն Ռադուն: Հյուրերը Մատենադարանի տնօրեն Վահան Տեր-Ղևոնդյանի և գիտնական քարտուղար Վահե Թորոսյանի ուղեկցությամբ շրջայց կատարեցին Մատենադարանի թանգարանային համալիրում և ծանոթացան հայ ձեռագրական ժառանգությանը: