Մատենադարանի տնօրեն Արա Խզմալյանը, «Հայփոստ» ընկերության գլխավոր գործադիր տնօրենի տեղակալ Արտակ Ղուլյանը, ՀՀ Բարձր տեխնոլոգիական արդյունաբերության նախարարության փոստի բաժնի պետ Ծովինար Գալստյանը, ճարտարապետի թոռը՝ լրագրող, գրող Մարկ Գրիգորյանը և Ֆիլատելիստների հայկական ասոցիացիայի նախագահ Հովիկ Մուսայելյանն իրականացրել են ճարտարապետի անվանական գեղաթերթիկի մարումը:
Մատենադարանի, Ազգային ժողովի, Հ.Պարոնյանի անվ. երաժշտական կոմեդիայի պետական թատրոնի և այլ ճարտարապետական կոթողների հեղինակի անվանական գեղաթերթիկի նամականիշի վրա պատկերված են ճարտարապետը և նրա նախագծած կառույցները։
Միջոցառման ավարտին ճարտարապետի թոռը Մատենադարանին նվիրաբերեց Մատենադարանի շենքի առաջին գծագիրը, որը տարիներ առաջ վերականգնել էին Մատենադարանի վերականգնողները:
