'/%3E%3C/svg%3E){kind=small}
Մեծի Տանն Կիլիկիո Կաթողիկոսության «Կիլիկիա» մատենադարանում պահվող ձեռագրական արժեքավոր հավաքածուների պահպանության և վերականգնման առաքելությամբ Լիբանանում են Մատենադարանի ավագ վերականգնողներ Սուսաննա Բարսեղյանը և Չինար Մկրտչյանը։
Առաքելությունն իրականացվում է «Զովեր Քնսթրաքշն» ընկերության հովանավորությամբ՝ ի դեմս հիմնադիր, բարերար Արա Ավետիսյանի։ Աջակցությունն ուղղված է ձեռագրերի անվտանգ պահպանությանն ու դարերի ընթացքում վնասված մատյանների վերականգնմանը։
Մեծի Տանն Կիլիկիո Կաթողիկոս Արամ Ա Վեհափառի անունից երախտագիտություն է հայտնվել բարերարին՝ հայ հոգևոր և ձեռագրական կենտրոնների գրավոր ժառանգության պահպանությանն ու վերականգնմանը ցուցաբերած հետևողական նյութական և բարոյական աջակցության ու հոգատարության համար։