Թանգարանների միջազգային օրվա շրջանակներում մայիսի 18-֊ին Մաշտոցյան Մատենադարանը սիրով հրավիրում է ներկա լինելու մի շարք միջոցառումների։ Օրը խորհրդանշական հիշեցում է թանգարանների արժեքավոր ներդրման մասին` կրթության, մշակույթի և ժառանգության պահպանման գործում։ Այս տարի ԻԿՕՄ-ի կողմից որպես թեմա ընտրվել է «Թանգարաններ,կրթություն և հետազոտություն» խորագիրը: Տոնի առիթով Մատենադարանն աշխատելու է սովորական ռեժիմով` մինչև երեկոյան 18։00։18։00-֊ից 19։00 փակ են
Մատենադարանի տնօրեն Արա Խզմալյանն այս ցուցադրությունը համարել է երկու քաղաքակրթությունների ու մշակութային պատկանելության համերաշխության դրսևորում։ Միևնույն ժամանակ այն արտացոլում է Մատենադարանի տնօրենության որդեգած քաղաքականությունը՝ դիվերսիֆիկացնել ցուցադրությունները։ «Պատկերի պոեզիան» ցուցադրությանը բացառիկ ձեռագրական ցուցանմուշներից բացի առաջին անգամ պահոցներից հանվել ու հանրությանն են ներկայացվում Անդրե Սևրուգյանի ստեղծագործական տարբեր փուլերին պատկանող հաստոցային գեղանկարներ։ Ցուցադրությունը կայացել է Մայր Աթոռ Սուրբ
Ծրագիրը կազմված է երեք մասից․ ծանոթություն ցուցադրությանը, տեսական և գործնական հատվածներ։ Շրջիկ ցուցադրությունը պատկերավոր ներկայացնում է ձեռագրերի ընդօրինակման, նկարազարդման և վերականգնման արվեստը: Տեսական հատվածում տարիքային խմբին համապատասխան ամփոփ տեղեկություն է տրվում Մատենադարանի ստեղծման և կազմավորման պատմության, ինչպես նաև մշտական ցուցադրության մասին։ Գործնականում աշակերտներն ամրապնդում են ձեռագրաստեղծման վերաբերյալ ստացած գիտելիքները, անմիջականորեն ուսումնասիրում են ձեռագրի մանրակերտը, ծանոթանում
Մաշտոցյան Մատենադարանի և «Ավրորա» մարդասիրական նախաձեռնության միջև գոյություն ունեցող համագործակցության շրջանակում, հատուկ արարողակարգով, ցուցադրվել է «Մատյան Մարդասիրաց» եզակի ձեռագիրը, որն ամփոփում է «Ավրորայի» հերոսների և դափնեկիրների պատմությունները՝ 365 բառով, ինչպես նաև արտացոլում «Ավրորայի» ամբողջ գործունեությունը: Հատուկ ցուցադրությունն 8-րդ անգամ տեղի է ունենում Հայոց ցեղասպանության նահատակների ոգեկոչման օրը՝ ապրիլի 24-ին՝ Մատենադարանի քարտեզների սրահում: «Մատյան Մարդասիրաց»-ը ստեղծվել
Հայտնի է, որ 1915 թ. հայոց ձեռագրերն ուրույն պատմություններով են անցել իրենց փրկության ուղին : Դրանցից մեկը Լիմ մենաստանի վանահայր Հովհաննես վարդապետ Հյուսյանի նախաձեռնմամբ Վասպուրականից ձեռագրերի փրկության և Սուրբ Էջմիածին տեղափոխման առաքելությունն էր։ Ապրիլյան կոտորածի օրերին Հովհաննես վանահայրը հոգում էր թե՛ վանքի շեն մնալու, թե՛ ձեռագրերի և թանկարժեք սպասքի պահպանման, թե՛ հազարավոր անմեղ հայերին Լիմում
Այս օրերին Վերականգնման բաժնի վարիչ Գայանե Էլիազյանն ու ավագ վերականգնող Թագուհի Ճենտերեճյանը Ամերիկայի հայկական թանգարանում շարունակում են արժեքավոր ձեռագրերի և հմայիլների ամրակայման և վերականգնման աշխատանքները։ Այցի ընթացքում ավարտին է մոտենում հայտնի Ճիրակայ Անապատի 1207 թ մագաղաթյա Ավետարանի վերականգնումը (գրիչ Կարապետ), ինչպես նաև խիստ թթվակեր ժողովածուի վերականգնումը (1682-1726թթ): Զուգահեռ ընթանում են նաև արժեքավոր ձեռագիր հմայիլների ամրակայման
Մատենադարանի և Արարատ Բանկի միջև գրեթե մեկ ամիս առաջ հաստատված պայմանավորվածությունն ամրագրվել է առավել ընդգրկուն համագործակցություն ձևավորելու հուշագրի և նվիրաբերության պայմանագրի ստորագրմամբ, որով Արարատ Բանկի հովանավորությամբ արդիականացվելու և վերազինվելու է ձեռագրերի կենսաբանական հետազոտությունների լաբորատորիան, ինչպես նաև կազմակերպվելու է Մատենադարանի հեղինակած «Հիշողության կերպարանքները. ձեռագիր և տպագիր ժառանգության պահպանման և վերականգնման նորագույն տեխնոլոգիաները» ամենամյա 13-րդ միջազգային սեմինարը:
Ծրագիրը, որ իրականացվում է ՀՀ ԿԳՄՍ նախարարության դրամաշնորհով և Մատենադարանի համատեղ ֆինանսավորմամբ, նախատեսված է 4-6-րդ, 7-9-րդ և 10-12-րդ դասարանների աշակերտների համար և ներկայացնում է ձեռագրերի ընդօրինակման, նկարազարդման և վերականգնման արվեստը: Այն բաղկացած է երեք մասից՝ ծանոթություն ցուցադրությանը, տեսական և գործնական հատվածներ։ Շրջիկ ցուցահանդես-վարպետաց դասերը նպատակ ունեն սահմանամերձ բնակավայրերի դպրոցական տարիքի երեխաներին ներգրավել, հետաքրքրություն ու սեր
Իտալիայի այցի շրջանակում Մատենադարանի պատվիրակությունը եղել է Ֆլորենցիայի Opificio delle Pietre Dure կենտրոնում և Հռոմի Գրքերի և արխիվային փաստաթղթերի պաթոլոգիայի կենտրոնական ինստիտուտում։ Այցելություններին ներկա է եղել նաև Մատենադարանի նորաստեղծ Ձեռագրերի կենսաքիմիական հետազոտությունների խմբի անդամ Լուսինե Մարգարյանը։ Կազմակերպվել է շրջայց հետազոտական բոլոր լաբորատորիաներում, ներկայացվել են լաբորատոր ենթակառուցվածքներն ու սարքավորումները։ Առանձին անդրադարձ է կատարվել կենտրոնների ուսումնական բաժիններին,
Մատենադարանի պատվիրակության՝ Իտալիա այցի առանցքային նպատակներից է խոշոր գիտակրթական հաստատությունների հետ կապերի ամրապնդումն ու զարգացումը բնագրագիտության և միջնադարագիտության ոլորտներում։ Ապրիլի 8-9-ը պատվիրակությունը քննարկումներ է ունեցել Բոլոնիայի համալսարանի հայագիտության պրոֆեսոր Աննա Շիրինյանի, Եվրոպայում խոշորագույն՝ Լա Սապիենցա համալսարանի Դասական բանասիրության ֆակուլտետի ղեկավար Ջիորջիո Պիրասի և հայագիտության պրոֆեսոր Մարկո Բաիսի, Քահանայապետական արևելյան ինստիտուտի ռեկտոր հայր Դավիթ Նազարի հետ։
'/%3E%3C/svg%3E){kind=small}
