Մեսրոպ Մաշտոցի անվան Մատենադարանի և Լայպցիգի արևելյան եվրոպայի գիտությունների և մշակույթի ինստիտուտի միջև կնքվեց համագործակցության հուշագիր, որի նպատակն է համատեղ ծրագրեր մշակել կենտրոնական և արևելյան եվրոպական պատմության, հայոց պատմության, մշակույթի և արևմտյան հայկական մշակույթի ոլորտուներում։
«Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտը հայտարարում է 2021 թ., հեռակա ուսուցմամբ (անվճար հիմունքներով) ասպիրանտուրայի ընդունելություն, 1 տեղ հայ դասական գրականություն Ժ.01.01- մասնագիտության գծով: Փաստաթղթերն ընդունվում են մինչև ս.թ. օգոստոսի 23-ից սեպտեմբերի 8-ը՝ ժամը 16։30 ներառյալ, հետևյալ հասցեում՝ ք. Երևան, Մաշտոցի պող. 53, «Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտ, 310 աշխատասենյակ:
Ուրախ ենք հայտնել, որ Մեսրոպ Մաշտոցի անվան Մատենադարանում Կալիֆորնիայի պետական համալսարանի (Ֆրեզնո) Հայագիտական բաժնի տնօրեն դոկտ. Պարլօ Տէր-Մկրտիչեանի նախաձեռնությամբ և ֆինանսավորմամբ հիմնվել է մրցանակ: Այն ուղղված է Մատենադարանի զարգացման հիմնական նպատակների և ուղղությունների, հայագիտական ոլորտի գիտական, գիտատեխնիկական, կրթական ծրագրերի խթանմանը:Մրցանակը շնորհվում է Մատենադարանի աշխատակիցներին՝ լավագույն աշխատանքների, նախաձեռնությունների և ծրագրերի իրականացման համար:Մրցանակն ամենամյա է. ամեն տարի կարելի է ներկայացնել նախորդ երեք տարիների
Հուլիսի 13-16-ը Ֆրանսիայի Ազգային ժառանգության ինստիտուտը «Հավաքածուների պահպանություն, ինչպես կանխել վնասները» թեմայով վարպետության դասընթաց էր կազմակերպել Հայաստանի մշակութային հաստատություններում աշխատող վերականգնողների համար: Ծրագրին մասնակցեցին նաև Մատենադարանի վերականգնողները՝ բաժնի վարիչ Գայանե Էլիազյանի գլխավորությամբ: Միջոցառման բացման արարողությունը տեղի ունեցավ Մաշտոցյան Մատենադարանում: Ողջույնի խոսքով հանդես եկան Մատենադարանի տնօրեն Վահան Տեր-Ղևոնդյանը, Ֆրանսիայի Ազգային ժառանգության ինստիտուտի տնօրեն Շառլ Պերսոնան և
Մատենադարանի արխիվի և արխիվագիտության բաժինը տեղեկացնում է, որ մշակված արխիվային ֆոնդերի շարքը համալրվել է ևս մեկով, որը վերաբերում է բրիտանացի հայագետ Չարլզ Դաուսեթի (1924-1998թթ.) թողած գիտական ժառանգությանը։Դաուսեթը Քեմբրիջում եղած ժամանակահատվածում հայերենին է ծանոթացել գիտնական Հարոլդ Բեյլիի շնորհիվ: Չորս տարվա տքնաջան աշխատանքի, Փարիզում ուսանելու և խոր հետազոտությունների արդյունքում 1965թ. հայերենի դասախոս է նշանակվել Օքսֆորդի համալսարանում, ուր
Խորը վշտով հայտնում ենք, որ հուլիսի 1-ին վախճանվել է գրականագետ, բանասիրական գիտությունների դոկտոր, ՀՀ ԳԱԱ Մ.Աբեղյանի անվան գրականության ինստիտուտի աշխատակից Քնարիկ Տեր-Դավթյանը (1934-2021): Նա Մատենադարանի երկարամյա տնօրեն Սեն Արևշատյանի կյանքի ընկերն էր և Մատենադարանի հավատարիմ բարեկամը:Քնարիկ Տեր-Դավթյանն ուսումնասիրել է հայ միջնադարյան գրականության մի շարք հուշարձաններ, կազմել քննական բնագրեր, հեղինակել բազմաթիվ բնագրերի ռուսերեն թարգմանություններ, օժտելով դրանք
Սերբական «Պեշիչ և որդիներ» հրատարակչությունը վերջերս թարգմանաբար լույս է ընծայել Մովսես Խորենացու «Հայոց պատմություն» երկը, որը մեծ հետաքրքրություն է առաջացրել սերբ ընթերցողների շրջանում:Հունիսի 12-ին Մատենադարան այցելեց հրատարակչության տնօրեն, լեզվաբան, հրապարակախոս Վե´սնա Պեշիչը, և զրուցեց տնօրեն Վահան Տեր-Ղևոնդյանի հետ: Վե´սնա Պեշիչը Մատենադարանի գրադարանին նվիրեց Խորենացու «Հայոց պատմություն»-ը՝ հույս հայտնելով, որ կշարունակի համագործությունը հայ գործընկերների հետ:Տիկին Պեշիչը
Մաշտոցյան Մատենադարանի ավագ գիտաշխատող Անի Շահնազարյանը և կրտսեր գիտաշխատող Լուսինե Սարգսյանը արժանացել են Հայ օգնության ֆոնդի Երվանդ Թերզյանի անվան «Գիտության և կրթության հայկական ազգային հիմնադրամ»-ի դրամաշնորհին (5000 ԱՄՆ դոլլար) «Հայերեն ձեռագրերի նկարազարդումը» ծրագրի իրականացման համար: Ծրագրի շրջանակում նախատեսվում է պատրաստել կայք՝ ներկայացնելով հայերեն ձեռագրերի բնագրերի և դրանց ուղեկցող նկարազարդումների համեմատական աղյուսակ՝ հետևությամբ ծրագրի գիտական ղեկավար
Բելգիական հայտնի Brepols հրատարակչությունը լույս է ընծայել 2-րդ դարի վերջին հունարեն գրված վաղ քրիստոնեական Physiologus (հայերեն՝ Բարոյախօս) ժողովածուին և նրա տարալեզու թարգմանություններին նվիրված գիտական հոդվածների ժողովածու:Գիրքը խմբագրել են Կարոլին Մասեն և Յոստ Գիպպերտը: Զանազան իրական և երևակայական կենդանիների (առանձին դեպքերում՝ նաև բույսերի և քարերի) տարբեր «բարքերը» նկարագրող և դրանք որպես քրիստոնեական բարոյախոսության այլաբանություն մեկնաբանող գողտրիկ
Մոնպելյեի (Ֆրանսիա) Պոլ Վալերիի անվ. համալսարանի (Մոնպելյե III) դասախոս, պրոֆեսոր, մեր հայրենակից Ժիրայր Դէդէեանը վերջերս արժանացել է Ֆրանսիայի Անդրծովյան Գիտությունների Ակադեմիայի տիտղոսավոր անդամի բարձր կոչմանը:Մատենադարանի տնօրինությունը և աշխատակազմը ջերմորեն շնորհավորում են սիրելի գիտնականին՝ մաղթում երկար տարիների բեղմնավոր գործունեություն և նորանոր հաջողություններ:
