Մայիսի 20-ին ՀՀ առողջապահության նախարար Անահիտ Ավանեսյանի ուղեկցությամբ Մաշտոցյան Մատենադարան այցելեց Լիտվայի Հանրապետության նախագահ Գիտանաս Նաուսեդանի գլխավորած պատվիրակությունը: Հյուրերը Մատենադարանի տնօրեն Վահան Տեր-Ղևոնդյանի և թանգարանային մասի ղեկավար Նազենի Ղարիբյանի հետ շրջայց կատարեցին թանգարանային համալիրում, ծանոթացան հայ միջնադարյան մատենագրությանը:
Թանգարանների միջազգային օրվա առթիվ Հայաստանի Հանրապետության թանգարանների քսանչորս աշխատակիցներ արժանացան ՀՀ Կրթության, գիտության, մշակույթի և սպորտի նախարարության պարգևների: Մաշտոցյան Մատենադարանի աշխատակիցներից Ձեռագրագիտության բաժնի վարիչ, Գլխավոր ավանդապահ Գևորգ Տեր-Վարդանյանը պարգևատրվեց նախարարության ոսկե մեդալով, իսկ Բժշկագիտության և բնագիտության պատմության բաժնի ավագ գիտաշխատողներ Դոնարա Կարապետյանը և Ջուլիետտա Էյնաթյանը, Թարգմանական մատենագրության բաժնի գիտաշխատող Լուսիկ Ստեփանյանը, թանգարանային մասի ղեկավարի տեղակալ
