![](https://matenadaran.am/wp-content/uploads/2022/10/312265697_490934106395325_930651170339211870_n-1140x570.jpg)
![](https://matenadaran.am/wp-content/uploads/2022/10/312910691_490934156395320_8542356920916047155_n-1140x570.jpg)
Հոկտեմբերի 27-ին Մաշտոցյան Մատենադարանում Զալցբուրգի համալսարանի Քրիստոնյա Արևելքի հետազոտությունների կենտրոնի տնօրեն, պրոֆեսոր Յասմին Դում-Թրագուտը, արևելագետ Մարատ Յավրումյանը և Մատենադարանի գիտաշխատող Օվսաննա Խաչատրյանը ներկայացրին «Ձիու բժշկարանները Արևելքի և Արևմուտքի միջև» ավստրիական հետազոտական ծրագիրը:
Միջոցառման սկզբում ողջույնի խոսքով հանդես եկավ Մատենադարանի տնօրեն Վահան Տեր-Ղևոնդյանը, այնուհետև Յասմին Դում-Թրագուտը ներկայացրեց «Ձիու բժշկության պատմությունը և հայկական ձիու բժշկարանները», Օվսաննա Խաչատրյանը՝ «Մատենադարանի թիվ 11161 ձեռագիրը և դրանում ընդգրկված ձիու բժշկարանը», իսկ Մարատ Յավրումյանը՝ «Թարգմանություն և գիտելիքի փոխանցում. Արաբերեն ձեռագրերը» խորագրով զեկուցումները:
Հետազոտական ծրագրի ընթացքում նախատեսվում է ձիու բժշկարաններին նվիրված գիտաժողովի և ցուցահանդեսի կազմակերպում, հոդվածների և գրքերի հրատարակում, կայքի ստեղծում:
![](https://matenadaran.am/wp-content/uploads/2022/10/312386592_490934246395311_6938112964154045428_n-1024x683.jpg)
![](https://matenadaran.am/wp-content/uploads/2022/10/312108384_490933969728672_5552496709443143753_n-1024x683.jpg)