Տնօրեն Արա Խզմալյանի ուղեկցությամբ հյուրերը շրջեցին Մատենադարանի ցուցասրահներում, այցելեցին արխիվապահոց և Վերականգնման բաժին:
Առանձնազրույցի ընթացքում տնօրենն անդրադարձավ ՅՈՒՆԵՍԿՕ-ի գլխավոր տնօրենի առաջիկա ընտրություններին, որին առաջադրվել է Խալեդ Ալ Էնանիի թեկնածությունը, և Մատենադարանի անունից մաղթեց բարեհաջող արդյունքներ:
Ներկայացվեց նաև Եգիպտոսի Ալեքսանդրիայի գրադարանի հետ առաջիկայում ստորագրվելիք հուշագրի հիմնական դրույթները, որոնք վերաբերում են բարձր տեխնոլոգիաների, գիտահետազոտական աշխատանքների և կրթական ծրագրերի ոլորտներին:
Դեսպան Ն.Գ. տկն. Սերենադ Մուհամեդ Սոլիման Գամիլը և պարոն Խալեդ Ալ Էմանին հայտնեցին շնորհակալություն ջերմ ընդունելության և բացառիկ տպավորությունների համար և պատրաստակամություն՝գործնական համակողմանի աջակցություն ցուցաբերելու Եգիպտոսի մշակութային և գիտական հաստատությունների հետ կապերի խորացման ուղղությամբ:
