Անվանակարգ.Նոր հրատարակություններ

Լույս է տեսել Վերա Սահակյանի «Մշոյ Բուլանըք գաւառի հայաբնակ գիւղերն ըստ Մկրտիչ Ա. Խրիմեան կաթողիկոսին ուղղուած նամակների» աշխատությունը

Ուսումնասիրությունը նվիրված է Մշո Բուլանըք գավառին։ Օսմաներեն նորահայտ աղբյուրների միջոցով անդրադարձ է կատարվում գավառի կազմավորմանը: Մաշտոցյան Մատենադարանում պահվող՝ հայ գաղթականների՝ 1893–1896 թթ. Մկրտիչ Ա. Խրիմյան կաթողիկոսին ուղղված նամակների հիման վրա այբբենական կարգով կազմվել է գավառի հայաբնակ գյուղերի ցանկ՝ ընդարձակ նկարագրություններով և ծանոթագրություններով։ Ամեն գյուղին նվիրված բաժնում զետեղված են տվյալ գյուղի բնակիչների նամակները։ Աշխատությունը հրատարակվել է

Կարդալ ավելին …

ԼՈւՅՍ Է ՏԵՍԵԼ «ԲԱՆԲԵՐ ՄԱՏԵՆԱԴԱՐԱՆԻ» ՀԱՆԴԵՍԻ 31-ՐԴ ՀԱՄԱՐԸ

Սույն համարում ընդգրկված են պատմության և արվեստագիտության հարցեր լուսաբանող հոդվածներ, Մխիթար Գոշի 900-ամյակին (2020, 10-11.12) և Երիտասարդական 6-րդ (2020, 26-28.11) ՝ Գևորգ Աբգարյանի 100-ամյակին նվիրված գիտաժողովների նյութեր, ինչպես նաև հրապարակումներ, հաղորդում, բանավեճ, գրախոսություններ և մահախոսականներ։ Համարի թվային տարբերակը տե՛ս այստեղ:

Lույս է տեսել «Օտար աղբյուրները Հայաստանի և հայերի մասին» մատենաշարի 20-րդ հատորը

Մատենադարանի գիտական խորհրդի որոշմամբ լույս է տեսել «Օտար աղբյուրները Հայաստանի և հայերի մասին» մատենաշարի 20-րդ հատորը (Արաբական աղբյուրներ Դ), որում լուսաբանված են ԺԳ-ԺԶ դարերի մամլուքյան պատմագրական ավանդույթի սկզբնաղբյուրները:Գիրքը նվիրված է հայ-մամլուքյան քաղաքական և դիվանագիտական հարաբերությունների ուսումնասիրության համար կարևորություն ներկայացնող արաբալեզու սկզբնաղբյուրներին։ Աշխատանքի հիմնական մասում ներկայացված են թարգմանական քաղվածքներ Մամլուքյան պետության գահին նստած երեք սուլթանների օրոք

Կարդալ ավելին …

Լույս է տեսել «Մատենադարանի պարսկերեն հրովարտակները» շարքի հինգերորդ պրակը

Լույս է տեսել «Մատենադարանի պարսկերեն հրովարտակները» շարքի հինգերորդ պրակը՝ Մատենադարանի ավագ գիտաշխատող պ․գ․դ․ Ք․ Կոստիկյանի աշխատասիրությամբ, խմբագիրներ՝ պ․գ․դ․ Վահան Տեր-Ղևոնդյան, Զարուհի Սողոմոնյան։Այս պրակում պատճեններով, բնագրերով, հայերեն ու անգլերեն թարգմանությամբ ներկայացված են Իրանի Ղաջարական իշխանությունների կողմից 1798-1829 թթ․ հրապարակված 96 հրովարտակներ, որոնք պահվում են Երևանի Մ․ Մաշտոցի անվան Մատենադարանում։ Ժողովածուի առաջաբանում քննվում է ընդգրկված վավերագրերի պատմագիտական

Կարդալ ավելին …

ՆՈՐ ՀՐԱՏԱՐԱԿՈՒԹՅՈՒՆ

Մատենադարանի գիտաշխատող Կարինե Մոսիկյանի աշխատասիրությամբ լույս է տեսել Նեմեսիոս Եմեսացու «Յաղագս բնութեան մարդոյ» գիրքը:  Դ. դարի բժիշկ փիլիսոփա Նեմեսիոս Եմեսացու «Յաղագս բնութեան մարդոյ» երկը հունաբան հայերեն են թարգմանել Ստեփանոս Սյունեցին և Դավիթ Հյուպատոսը 717 թ. Կոստանդնուպոլսում: Այն մեծ ազդեցություն է ունեցել հայ միջնադարյան մարդակազմական և բժշկագիտական մտքի ձևավորման և զարգացման վրա:  Երկի հայերեն թարգմանության բնագիրը

Կարդալ ավելին …

Լույս է տեսել Կոստանդ Ջուղայեցու «Աշխարհաժողով» աշխատությունը

Գիրքը ներկայացնում է Նոր Ջուղայի Ս. Ամենափրկիչ վանքի դպրոցի ուսուցիչ, վաճառական Կոստանդ Ջուղայեցու (1630-ական թթ. – 1702 թ.) «Աշխարհաժողով» խորագիրը կրող վաճառականական ձեռնարկ-դասագրքի գիտաքննական բնագիրը՝ առաջաբան-ուսումնասիրությամբ և դժվարամատչելի բառերի ու եզրույթների բառարանով հանդերձ։ «Աշխարհաժողով» երկը, հասցեագրված լինելով հայ վաճառականներին, շարադրվել է որպես տնտեսական համաշխարհային աշխարհագրություն, հայկական յուրօրինակ հանրագիտարան, որում ամփոփված են առևտրական բացառիկ տեղեկություններ Եվրոպայի,

Կարդալ ավելին …

ԼՈՒՅՍ Է ՏԵՍԵԼ ԼԵՒՈՆ ՏԵՐ-ՊԵՏՐՈՍՅԱՆԻ 75-ԱՄՅԱԿԻՆ ՆՎԻՐՎԱԾ ՏՈՆԱԳԻՐ ԳԻՏԱԿԱՆ ԺՈՂՈՎԱԾՈՒ

2020 թ. հունվարի 9-ին լրացավ Հայաստանի հանրապետության առաջին նախագահ, բանասիրական գիտությունների դոկտոր Լեւոն Տեր-Պետրոսյանի 75-ամյակը: Այդ առիթով մատենադարանցիները նախաձեռնեցին Տոնագիր գիտական ժողովածուի հրատարակում, որին մեծ սիրով ու ջերմությամբ արձագանքեցին աշխարհի առաջատար հայագետներ ու արևելագետներ: Համավարակի և պատերազմի պատճառով այն լույս տեսավ նախատեսվածից ավելի ուշ: Այսօր ուրախությամբ ժողովածուն հանձնում ենք ընթերցողի դատին:Գրքում ամփոփված են Լեւոն Տեր-Պետրոսյանի

Կարդալ ավելին …

Լույս է տեսել Մատենադարանի ավագ գիտաշխատող Արսեն Հարությունյանի «Երևանի Ս․Անանիա Առաքյալի Անապատը կամ Զորավոր Ս․Աստվածածին եկեղեցին» ուսումնասիրությունը

Աշխատությունը նվիրված է Երևանի երբեմնի հռչակավոր Ս. Անանիա առաքյալի անապատի և նրա տեղում՝ 1693 թ. կառուցված Զորավոր Ս. Աստվածածին եկեղեցու պատմությանն ու մշակութային ժառանգությանը: Առաջին անգամ փորձ է արվել մատենագրական ու վիմագրական սկզբնաղբյուրների, ինչպես նաև արխիվային վավերագրերի միջոցով ամբողջացնել անապատի գրչության դպրոցում ընդօրինակված ձեռագիր մատյանները, Զորավոր Ս. Աստվածածին եկեղեցու պատմությունը, վիմագրերն ու եկեղեցական առարկաների արձանագրությունները:Վերստին

Կարդալ ավելին …

Լույս է տեսել Հակոբ Փափազյանի հոդվածների երկհատոր ժողովածուն

Մաշտոցյան Մատենադարանը հրատարակել է պատմական գիտությունների դոկտոր, պրոֆեսոր Հակոբ Փափազյանի հոդվածների ժողովածուն: Առաջին հատորում ընդգրկված են անվանի գիտնականի՝ 1953-1972 թթ. հրապարակած հոդվածները, նվիրված՝ արևելագիտության ու հայագիտության տարբեր ոլորտներին, երկրորդ հատորում՝ արևելագիտության և հայագիտության տարբեր խնդիրներին առնչվող, 1973-1994 թթ. լույս տեսած ուսումնասիրություններից բացի, առանձին ենթաբաժիններով ներկայացված են նաև գիտնականի գրախոսությունները և հրապարակախոսական նյութերը:Ժողովածուի կազմողն է պատմ.

Կարդալ ավելին …

ԼՈՒՅՍ Է ՏԵՍԵԼ ԲԱՆԲԵՐ ՄԱՏԵՆԱԴԱՐԱՆԻ ՀԱՆԴԵՍԻ 30-ՐԴ ՀԱՄԱՐԸ

Սույն ծավալուն համարում ընդգրկված են Նարեկացիական 5-րդ ընթերցումների (2019, 23-24.10) նյութերը, հայագետ-արևելագետ Արամ Տեր-Ղևոնդյանի ծննդյան 90-ամյակին նվիրված միջազգային գիտաժողովի (2019, 20-22.6) երկու զեկուցում, պատմության, բանասիրության և ձեռագրական ժառանգության հարցեր լուսաբանող հոդվածներ, ինչպես նաև հրապարակումներ, գրախոսություն և մահախոսական։Համարի թվային տարբերակը տե՛ս այստեղ: